Maýa Kulyýewa adyndaky Türkmen milli konserwatoriýasy Baky Bitaraplygymyzyň 27 ýyllygy mynasybetli baýramçylyk konsertini geçirdi
00:40 12.12.2022
Türkmenistanyň Magtymguly adyndaky milli sazly drama teatrynda Diýarymyzyň Baky Bitaraplyk baýramy mynasybetli Maýa Kulyýewa adyndaky Türkmen milli konserwatoriýasy baýramçylyk konsertini geçirdi. Konsertiň maksatnamasynda nusgawy dünýä sazlary we milli kompozitorlaryň saz eserleri ýerine ýetirildi. Konsertde ýekelikde we ansamblda, hor, milli halk saz gurallary orkestr we simfoniki orkestr toparlary çykyş etdiler.
Konserti konserwatoriýanyň talyplary Azat Bazarow we Güljemal Taýlyýewa şahyr D.Annamyradowyň sözlerine «Arkadagly Serdar bilen» atly aýdymy bilen açdylar, olara dirižýor, Türkmenistanyň at gazanan artisti Omar Igamowyň ýolbaşçylygyndaky halk saz gurallary orkestri sazandarlyk etdi. Şeýle-de orkestriň ýerine ýetirmeklerinde Pürli Saryýewiň «Şatlyk» we Annageldi Jülgäýewiň «Ýaşlara salam» atly eserleri ýaňlandy.
Türkmenistanyň at gazanan bagşysy Merdan Baýramowyň ýolbaşçylygyndaky bagşylar ansambly Gurban Baýjykowyň şahyr A.Gaýlyýewiň goşgusyna döreden «Alkyş aýdýas Arkadagly Serdara» atly aýdymy, başga-da «Janlarym» (ýekelikde Merdan Baýramgeldiýew) we «Ýar gara gözli» (ýekelikde Täçmuhammet Durdymyradow) ýaly türkmen halk aýdymlary aýdyldy.
Halkara bäsleşikleriň diplomanty, ussat mugallym Stella Faramazowanyň talyplary Altyn Nurmyradowa (skripka), Kowus Bäşimow (alt), Erjel Ýagşymyradow (fortepiano) nemes kompozitory Maks Bruhyň «Trio» atly eserini ýerine ýetirdiler.
Halkara bäsleşikleriniň laureatlary Dowran Gylyjowyň (trombon) ýerine ýetirmeginde Aleksandr Arutunýanyň «Ekspromt» (oňa sazandarlyk etdi konsertmeýster Ýewgeniý Selýutin) we Merjem Amanowanyň fortepianoda Aşyr Kulyýewiň Sonatasy ýaňlandy.
Türkmenistanyň sungatda at gazanan işgäri, dirižýor Ýelena Moskwiçýowanyň we hormeýster Rano Orunowanyň ýolbaşçylygynda hor topary kompozitorlar Weli Ahmedowyň «Gözüm düşdi» we Orazgylyç Gurbannyýazowyň «Ýüzüňden» atly aýdymlary aýdyldy.
Türkmenistanyň halk artisti Aşyr Hojatowyň ýolbaşçylygyndaky simfoniki orkestri birnäçe saz eserleri ýerine ýetirdiler. Olardan Berdinazar Çaryýewiň dirižýorlygynda kompozitor Meret Annamyradowyň «Garagum» atly simfoniki eseri; Güljemal Taýlyýewanyň we Meýlis Hasanowyň aýtmagynda kompozitorlar Daňatar Öwezowyň we Adrian Şapoşnikowyň «Aýna» atly operasyndan Sapar bilen Bibiniň dueti; şeýle-de kompozitorlar Weli Muhadowyň we Adrian Şapoşnikowyň «Zöhre we Tahyr» atly operasyndan «Piala» atly aýdymy aýdyldy.
Türkmenistanyň Prezidentiniň «Altyn asyr» bäsleşiginiň ýeňijisi, dirižýor Döwletmämmet Okdirowyň dirižýorlygynda kompozitor Nury Halmämmedowyň «Türkmenistan» atly simfoniki şekili; Dünýägözel Begaliýewanyň we Kadyr Esenowyň aýtmagynda Türkmenistanyň sungatda at gazanan işgäri, kompozitor Suhan Tüýliýewiň solistler, hor we simfoniki orkestr üçin döreden «Watannama» atly eserleri ýerine ýetirildi.
Baýramçylyk konsertini “Türkmen owazy” teleýaýlymyna ýazgy edildi we konsert baýramçylyk günleri efire göýberiler.
Jemal AGAJANOWA,
Maýa Kulyýewa adyndaky Türkmen milli konserwatoriýasynyň «Orkestr saz gurallary» fakultetiniň 4-nji ýyl talyby.
Ýokary tizlikli awtomobil ýolunyň ugrunda täze AÝGB-ler işe girizildi
Mary welaýatynyň Mary etrabynda Aşgabat-Türkmenabat ýokary tizlikli awtomobil ýolunyň Tejen-Mary böleginiň 309,7-nji kilometrinde iki sany täze Awtoulaglara ýangyç guýujy beket işe girizildi. Olar “Türkmennebit” döwlet konserniniň “Türkmennebitönümleri” baş müdirliginiň Wekilbazar nebit önümleri kärhanasynyň sargydy boýunça guruldy.
“Türkmengaz” DK önümçilik desgalaryny dolandyrmak we maglumatlary toplamak ulgamyny işe girizer
“Türkmengaz” döwlet konserni konserniň önümçilik desgalaryny merkezleşdirilen dessin-dispetçer dolandyryş we maglumat toplaýyş ulgamyny “açary gowşurmak” şerti bilen gurmak boýunça halkara bäsleşigiň deslapky saýlawyny yglan etdi. Bu barada bildiriş “Neýtralnyý Türkmenistan” gazetinde çap edildi.
Çig mala baý Nogaý käni
«Türkmennebit» döwlet konserniniň «Nebitgazburawlaýyş» trestiniň Körpeje buraw işleri müdirliginiň «gara altyn» we «mawy ýangyç» gözleýji burawlaýjy toparlarynyň «Pähim-paýhas ummany Magtymguly Pyragy» ýylynyň her bir aýynda ýerine ýetirýän giň gerimli işleri buýsanç bilen bellenilmäge mynasypdyr.
Nebitgaz toplumynda sport bäsleşikleri guramaçylykly geçirildi
Geçen hepdäniň dowamynda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan nebitgaz toplumynyň işgärleriniň arasynda «Sagdynlyk we bagtyýarlyk» şygary astynda sportuň birnäçe görnüşleri boýunça bäsleşikler geçirildi.
«Türkmengaz» döwlet konserniniň Ylmy-barlag tebigy gaz institutynda wagyz-nesihat duşuşygy geçirildi
«Türkmengaz» döwlet konserniniň Ylmy-barlag tebigy gaz institutynda Türkmenistanyň Halk maslahatynyň, Türkmenistanyň Mejlisiniň, Türkmenistanyň Kärdeşler arkalaşyklarynyň Milli merkeziniň, Türkmenistanyň Zenanlar birleşiginiň merkezi Geňeşiniň hem-de Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň bilelikde guramagynda wagyz-nesihat duşuşygy geçirildi.
