Gerimli we netijeli gözlegler
Biz «Türkmengeologiýa» döwlet korporasiýasynyň Türkmen geologiýa gözleg ekspedisiýasynyň Köýtendag geologiýa gözleg partiýasynyň baş geology Şanazar Anarow bilen habarlaşyp, şanly ösüşlere, taryhy wakalara baý bolan ýylyň geçen aýlarynda ýetilen sepgitler bilen tanyşdyk.
— Biz ýurdumyzyň ösüşlerine, ilatyň abadan durmuşda ýaşamagyna ýardam bermek maksady bilen, degişli barlag-gözleg işlerini giňden ýaýbaňlandyrýarys. Şonuň netijesinde öňümizde goýlan wezipeleri üstünlikli ýerine ýetirýäris — diýip, Ş.Anarow gürrüň berýär.
Ýurdumyzda ilatyň ýaşaýyş-durmuş derejesini ýokarlandyrmak, ilatly ýerleri abadanlaşdyrmak bilen bagly bimöçber işler bitirilýär. Bu babatda möhüm resminamalar kabul edildi. Olaryň arasynda «Türkmenistanyň ilatly ýerlerini agyz suwy bilen üpjün etmek boýunça Baş maksatnama» hem bar. Onuň çäginde ilaty arassa agyz suwy bilen üpjün etmek babatda önjeýli işler berjaý edildi. Şeýle işler häzirki günlerde-de gerimli dowam edýär. Oňa köýtendagly baýlyk agtaryjylar netijeli gatnaşýarlar. Golaýda olar Köýtendag etrabynyň Zarpçy obasynyň ilatynyň suw üpjünçiligini gowulandyrmak maksady bilen ýerasty suwlaryň gözleg işleriniň ilkinji tapgyryny tamamladylar. Häzirki wagtda berjaý edilen işler barada hasabat düzülýär. Bu bolsa möhüm işleriň ikinji tapgyryna guramaçylykly girişmäge pugta esas berer. Işleriň öňe ilerlemeginde toparça başlygy Nurmet Hojaberdiýew, esasy gidrogeolog Ödebike Gurbanowa dagynyň hyzmatlary uludyr.
Edaranyň hünärmenleri gaty magdanlaryň ýataklaryny agtaryp tapmak, olaryň görnüşlerini we gorlaryny takyklamak bilen baglanyşykly işlere hem giň gerim berýärler. Olar tarapyndan Amyderýanyň sag kenaryndaky Kerkiçi şäherçesinden Mekan obasyna çenli aralykda dürli gurluşyk materiallarynyň gözleg işleri geçirildi. Berjaý edilen işler boýunça degişli hasabat düzüldi. Şonuň netijesinde bu meýdançada gurluşyk işleri üçin zerur bolan çägäniň, çaglyň, toýnuň we dolomitiň gorlary kesgitlenildi.
— Ýyly üstünlikli jemlemek bilen birlikde, şu günlerden geljek ýylyň möhüm wezipelerini çözmäge ykjam taýýarlyk görýäris. Öňde durýan wezipeler bolsa örän jogapkärli. Bu ýagdaý bizi has yhlasly we tutanýerli zähmet çekmäge borçly edýär — diýip, Ş. Anarow söhbetdeşligi geljegiň gözýetimlerine syrykdyrýar.
— Geljek ýylda Köýtendag etrabynyň Kelif şäherçesiniň ilatyny agyz suwy bilen üpjün etmek üçin Kelif ýerasty süýji suwly ýatagyň gor baýlygyny takyklamak üçin jikme-jik barlag işleri geçiriler. Hut şeýle maksatly işler Döwletli etrabynyň Azatlyk geňeşliginiň obalaryny suw bilen üpjün etmek üçin Daşrabat ýerasty süýji suwly ýatagynda hem berjaý ediler. Baýlyk agtaryjylar gaty magdanly ýataklary agtaryp tapmak işlerini hem gerimli dowam etdirerler. Gazanylýan üstünlikde bu toparçanyň ýolbaşçysy Bagtyýar Dawranowyň, geologlar Süleýman Karimowyň, Ruslan Amirkulowyň uly paýlary bar.
Mämmetgylyç KÜTIÝEW,
Ussatnews.com.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
