Suw arassalaýjylaryň hyzmaty
Berkarar döwletiň täze eýýamynyň Galkynyşy döwründe Mary welaýatynyň çägindäki gaz känlerinde täze ulanyş guýularynyň önümçilige girizilmegi bilen «Marygazçykaryş» müdirligi boýunça tebigy gazyň çykarylyşynyň möçberleriniň artmagynda hyzmat ediş kärhanalarynyň her biriniň mynasyp goşandy bardyr. Müdirligiň durmuş taýdan dolandyryş edarasynyň suw, bug üpjünçilik sehiniň suw arassalaýjy desgalarynyň zähmet adamlarynyň önümçiligiň öňe gitmegi ugrundaky gözlegli, döredijilikli işleri-de bellärliklidir. Çünki şol hyzmat ediş edaralarynyň hünärmenleridir işçileri gazçylary, gazy çykaryjy, arassalaýjy, toplaýjy desgalary arassa suw bilen hemişe bökdençsiz üpjün edýärler.
Sehiň kuwwatly Garybata suw arassalaýjy desgasynyň zähmet adamlarynyň işlerem şunuň bir mysalydyr. Indi otuz bäş ýyla golaý wagt bäri durnukly işläp gelýän bu desga Şatlyk şäheriniň ilatyny, şäheriň çägindäki edara-kärhanalary arassa suw bilen üpjün edýär. Bu ýerde häzir hünärmenleriň hem işçileriň ýigrimi üçüsi zähmet çekýär. Şolaryň egin-egne berip işlemekleri netijesinde desgadan her gije-gündizde sarp edijilere arassalanan suwuň on-on iki müň kub metri ugradylýar.
Desgada suwuň doly arassalanylmagy üçin tehnologik işleriň tutuş toplumy ýerine ýetirilýär.
Elbetde, arassalanylyp, taýýar edilen suwuň hili, ilki bilen, şu ýerdäki hil barlaghanasynda tehnologik talaplara laýyk pugta gözden geçirilýär. Suwuň bulançaklygynyň, ýagtylygynyň, tagamynyň, düzümindäki hloruň möçberiniň bildirilýän talaplara laýyklygy doly kesgitlenilenden soň, desganyň ikinji göteriji sorujy stansiýasy arkaly sarp edijilere ugradylýar.
Desganyň birinji hem-de ikinji göteriji sorujy stansiýalary kuwwatly sorujylaryň tutuş toplumyny özünde jemleýär. Şol enjamlarda meýilnamada bellenilen wagtynda bejeriş, abatlaýyş, ýaglaýyş işleriniň geçirilip durulmagy olaryň hemişe saz işläp, göwnejaý hyzmat etmegine ýardam berýär.
— Hünärmenlerimizdir işçilerimiz enjamlaryň her birinde gündelik pugta gözegçilik işlerini alyp barýarlar. Hut şonuň netijesinde-de enjamlar durnukly işleýär, gazçylar şäheri bolan Şatlyk şäheriniň ýaşaýjylary, şäheriň çägindäki edara-kärhanalar ýylyň bütin dowamynda arassa suw bilen bökdençsiz üpjün edilýär.
Bu işlerde köp ýyllardan bäri zähmet çekip gelýän halypa hünärmenlerimiziň, işçilerimiziň saldamly goşandynyň bardygyny aýtmak gerek. Olardan sorujy stansiýanyň maşinistleri Muhammet Sähedow, Agamyrat Annamyradow, Döwlet Amanow, Azat Myradow dagy iň tejribeli işgärlerimizdir. Olar işde hemişe zähmet göreldesini görkezýärler hem-de ýaşlara halypalyk goldawyny berip durýarlar. Munuň özi umumy işimiziň öňe gitmegine ýardam berýär — diýip, Garybata suw arassalaýjy desgasynyň uly ussasy Wepa Orazow gürrüň berýär.
Sapardurdy ÝAÝLYÝEW,
Ussatnews.com.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
