Myrat BAÝRAMGYLYJOW, «Türkmengaz» döwlet konserniniň Ylmy-barlag tebigy gaz institutynyň Gaz çykaryş tehnologiýalary laboratoriýasynyň müdiriniň w.w.ý.ý.:
— Döwlet derejesindäki maslahatlara gatnaşanyňda, ata Watanymyza bolan belent buýsanjy hem-de jemgyýetiň her bir agzasynyň onuň geljekki ykbaly üçin jogapkärçiligini örän aýdyň duýýarsyň.
Türkmenistanyň Milli Geňeşiniň, jemgyýetçilik wekilleriniň bilelikdäki mejlisinde kabul edilen taryhy çözgütler halkymyzyň durmuşynyň has möhüm ugurlaryny nazara almak bilen, ýurdumyzyň kanunçylyk binýadynyň berkeýändigine şaýatlyk edýär. Halkymyz Gahryman Arkadagymyzy Halk Maslahatynyň Başlygy wezipesine saýlap hem-de özüniň Milli Lideri diýip ykrar etmek bilen, onuň bitiren işlerine ýokary baha berdi. Ata Watanymyzyň rowaçlygy, Garaşsyz, baky Bitarap ýurdumyzyň halkara abraýy Milli Liderimiz Gurbanguly Berdimuhamedowyň döwlet işleri bilen aýrylmaz baglydyr.
Biz Gahryman Arkadagymyz, Halk Maslahatynyň Başlygy, türkmen halkynyň Milli Lideri Gurbanguly Berdimuhamedowyň taryhy mejlisde eden çykyşyny uly üns bilen diňledik. Eziz Diýarymyzy ösüşiň täze belentliklerine ýetirmek boýunça toplumlaýyn çäreler barada aýtmak bilen, Gahryman Arkadagymyz nebitgaz pudagynyň ösdürilmegine hem aýratyn üns berdi. Bellenilişi ýaly, ýangyç-energetika toplumynda gury ýerde we deňizde nebitgaz känlerini özleşdirmek, köp mukdarda maýa goýumlaryny çekmek, dürli önümçilik desgalaryny gurmak arkaly olaryň çykarylýan hem-de gaýtadan işlenilýän möçberini artdyrmaly. «Şu işleriň netijeleri halklaryň bähbitlerine hyzmat etmelidir» diýip, Milli Liderimiz belledi.
Pudagyň işgärleriniň öňde goýlan wezipeleri çözmek üçin ähli tagallalary etjekdigine tüýs ýürekden ynanýarys.
Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy
23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
