Eksporta niýetlenen önümler
«Halkyň Arkadagly zamanasy» ýylyny zähmet ýeňişlerine beslemekde, ýurdumyzyň ösüşlerine mynasyp goşant goşmakda ýokary önümçilik netijelerini gazanýanlaryň arasynda Suwuklandyrylan gazy öndürmek boýunça Lebap önümçilik müdirliginiň işgärleriniň atlary ilkinjileriň hatarynda agzalmaga mynasypdyr. Olaryň agzybirlik hem-de yhlas bilen çekýän zähmeti ýerine düşýär.
— Ösen tehnologiýalara, täzeçe tehniki çözgütlere daýanýan desgalarymyzda esasy bölegi eksporta ugradylýan harytlyk önümleriň öndürilişini artdyrýarys. Bu babatda üstümizdäki ýylda belent sepgitler abraý bilen eýelenýär — diýip, müdirligiň kärdeşler arkalaşygy guramasynyň başlygy Begenç Haýdarow gürrüň berýär.
Geçen ýylyň on bir aýynda müdirlik boýunça suwuklandyrylan gazyň 109,7 müň tonna golaýy öndürilip, meýilnama 107,4 göterim berjaý edildi. Öndürilen harytlyk önümiň 106,7 müň tonna golaýy bolsa eksporta ugradyldy. Munuň özi daşary ýurtly sarp edijilere 11 müň tonna golaý önümiň meýilnamada bellenilenden artyk iberilendiginden habar berýär.
Gazanylýan üstünlikde müdirligiň suwuklandyrylan gaz öndürýän Naýypdaky desgalar toplumynyň inžener-tehniki işgärleriniň zähmet paýy has saldamlydyr. Döwrebap toplumda şu ýylyň başyndan bäri geçginli önümiň 97,4 müň tonna golaýy öndürilip, bu baradaky meýilnama artygy bilen ýerine ýetirildi. Desgalar toplumynyň başlygy Atageldi Kurbanýazow çylşyrymly önümçilikde işleriň ýokary sazlaşykly guralmagyny, gymmatly önümiň öndürilýän möçberleriniň yzygiderli artdyrylmagyny gazanýar.
Ýurdumyzda giňden bellenilen Nebitgaz senagaty we geologiýa işgärleriniň güni mynasybetli geçirilen dabaralarda bu müdirligiň işgärleriniň adyna hoşallyk sözleri aýdyldy. Olaryň birnäçesine bolsa kärdeşler arkalaşygy guramasynyň adyndan gymmat bahaly sowgatlar dabaraly ýagdaýda gowşuryldy. Ak ýürekden, ýokary netijeli zähmet çekip, kärdeşlerinden tapawutlanýanlaryň arasynda II — V derejeli tehnologik nasoslaryň maşinisti Jumageldi Kerimow, II — V derejeli tehnologik gurluşlaryň operatory Zakirjan Jumadurdyýew we beýlekiler bar. Gowy görelde bolsa işgärleriň arasynda giň goldaw tapýar. Netijede, bir maksada gulluk edilip, agzybirlik bilen çekilýän zähmet bu gaýratly adamlara at-abraý, hormat getirýär.
Müdirlikde esasy işler bilen birlikde, Naýyp gaz käninde suwuklandyrylan gazy kabul edýän we saklaýan, Gazojak şäherinde bolsa suwuklandyrylan gazy kabul edýän we demir ýol hem-de awtomobil çeleklerine ýükleýän desgalaryň durkuny täzelemek işleri güýçli depginde alnyp barylýar. Ýerli gurluşykçylar möhüm taslamany üstünlikli amala aşyrmak ugrunda janypkeşlikli zähmet çekýärler.
— Hormatly Prezidentimiz nebitgaz toplumynyň meselelerine uly ähmiýet bermek bilen, biziň öňümizde jogapkärli wezipeleri goýdy. Olary abraý bilen berjaý etmek üçin mundan buýana hem tutanýerli zähmet çekeris. Şonuň hasabyna-da eksport edilýän önümleriň möçberini has-da artdyrarys — diýip, B.Haýdarow ynam bilen aýdýar.
Mämmetgylyç KÜTIÝEW,
Ussatnews.com.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
