Hormat gazanan işgär
Biz ussatnews.com elektron gazetiniň sahypalarynda ýangyç-energetika toplumynyň dürli düzümlerinde zähmet çekýän hem-de kärdeşleriniň we jemgyýetiň hormatyna mynasyp bolan zähmetkeşler barada gürrüň bermegimizi dowam edýäris.
Bu gezek «Türkmengaz» döwlet konserniniň Medeni-işewürlik merkeziniň işgärler bölüminiň müdiri hem-de kärdeşler arkalaşygynyň başlygy Oguljahan Amannazarowna Kakajanowa biziň gahrymanymyz boldy.
Oguljahan Amannazarownanyň zähmet ýoly 40 ýyldan gowrak wagta barabar bolup, şu ýyl onuň Medeni-işewürlik merkezinde işläp ýörenine 20 ýyl doldy. Kakajanowanyň halal zähmeti köp sanly hormat hatlaryna mynasyp bolup, 2009-njy ýylda Türkmenistanyň Kärdeşler Arkalaşyklarynyň «Arkalaşyk nyşanyna» eýe boldy, 2022-nji ýylyň dekabrynda bolsa, Nebitgaz senagaty we geologiýa işgärleriniň güni mynasybetli hormatly Prezidentimiz Serdar Berdimuhamedowyň adyndan oňa dabaraly ýagdaýda gymmat bahaly sowgat gowşuryldy. Oguljahan Kakajanowanyň 2018-nji ýylda «Türkmengaz» döwlet konserni, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi hem-de «Nebit-gaz» gazetiniň redaksiýasy tarapyndan guralan döredijilik bäsleşiginiň ýeňijisi bolandygyny bellemek gerek.
Oguljahan Amannazarowna esasy hünäri boýunça hasapçy, ykdysatçy bolsa-da, onuň sungata bolan söýgüsi takyk ylymlaryndan rüstem çykdy. Medeni-işewürlik merkezi onuň üçin diňe iş ýerine däl-de, eýsem, ikinji öýüne öwrüldi. Ol artistler — ýurdumyzda belli döredijilik toparlarynyň — «Merdana» kamera orkestriniň, «Galkynyş» folklor toparynyň, «Oguzlar» estrada-simfoniki orkestriniň agzalary, şeýle hem halk sazandalary we zehinli aýdymçylar barada buýsanç we guwanç bilen gürrüň berýär.
Olaryň meşhurlyk gazanmagyna Oguljahan Amannazarownanyň hem goşandy az däl, ol toparlarda terbiýeçilik işlerine, olaryň döredijilik taýdan kämilleşmegi üçin ähli şertleriň döredilmegine uly üns berýär. Medeni-işewürlik merkezine myhmançylyga ýygy-ýygydan gelýän hormatly ýaşulular, medeniýet işgärleri we ýurdumyzda tanalýan adamlar bilen aragatnaşykda bolmagyň ýaşlary milli gymmatlyklara, Watanymyzyň baý we gadymy taryhyna, halkymyzyň däp-dessurlaryna hormat goýmak ruhunda terbiýelemäge ýardam edýär diýip, Oguljahan Amannazarowna belleýär.
Ol sazandalar bilen ýurdumyzyň ähli welaýatlaryna aýlanyp, konsert toparlary bilen buraw meýdanlaryna baryp, pudagyň desgalarynyň açylyş dabaralaryna we beýleki çärelere gatnaşyp gelýär.
Oguljahan Amannazarownanyň milli aýdym-saza söýgüsiniň bimöçberdigini bilýän artistler ýygy-ýygydan öz konsertlerini guraýarlar, bu bolsa, olary ruhy taýdan has-da baýlaşdyrýar, çünki şeýle duşuşyklar adamlary bir-birine ýakynlaşdyryp, olaryň mährini we zehinini artdyrýar.
Leýli AŞYROWA,
Ussatnews.com.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
