Siňdirilen yhlasyň miwesi
Hormatly Prezidentimiziň döredip berýän giň mümkinçiliklerinden ugur alyp, Ýagşygeldi Kakaýew adyndaky Halkara nebit we gaz uniwersitetinde hem talyp ýaşlary bedenterbiýä we sporta çekmek, olaryň sportuň dürli görnüşleri bilen meşgullanyp, ata Watanymyzyň abraý-mertebesini täze belentliklere galdyrmaklary ugrunda netijeli işler amala aşyrylýar. «Arkadag Serdarly bagtyýar ýaşlar ýyly» diýlip yglan edilen üstümizdäki ýylyň 15 — 16-njy fewralynda Lebap welaýatynda geçirilen sportuň sambo we söweş sambosy görnüşleri boýunça Türkmenistanyň çempionatyna gatnaşyp, ýokary okuw mekdebiniň «Ykdysadyýet we dolandyryş» fakultetiniň 4-nji ýyl talyby Niýazmyrat Babekowyň sambo görnüşinde 64 kilogram agramda çykyş edip, birinji orna şeýle-de «Energetika we inženerçilik desgalary» fakultetiniň 3-nji ýyl talyby Mämmetgurban Mämmetgurbanowyň söweş sambosy boýunça 88 kilogram agramda çykyş edip, birinji orna mynasyp bolmagy siňdirilýän yhlasyň miwe berýändigini görkezýär.
Berkarar döwletiň täze eýýamynyň Galkynyşy döwrüniň «Arkadag Serdarly bagtyýar ýaşlar ýyly» hormatly Prezidentimiziň başda durmagynda her bir ugurda uly üstünliklere beslenýär. Ol talyplaryň, önümçiliklerde zähmet çekýän, şeýle-de sportuň dürli görnüşlerinde uly üstünlikleri gazanyp, ýaşyl tugumyzy al-asmanda parladýan ýaşlarymyzyň kalbynda buýsançly duýgulary oýarýar. Türkmenistanyň sport äleminde belent abraýa eýe bolmagy hormatly Prezidentimiziň baştutanlygynda bu ugra aýratyn üns berilýändiginiň aýdyň görkezijisidir. Ýurdumyzda dünýä çempionatlarynyň, sportuň dürli görnüşlerini öz içine alýan sport ýaryşlarynyň ýokary guramaçylyk derejesinde geçirilmegi türkmen ýaşlarynyň kalbynda uly hyjuw döredýär.
Türkmen ýaşlarynyň öz ukyp-başarnyklaryny açyp, ýokary netijeleri gazanmaklaryna giň mümkinçilikleri döredýän hormatly Prezidentimiziň we Gahryman Arkadagymyzyň janlary sag, ömürleri uzak, her bir ugurdaky tutumly işleri rowaç alsyn!
Myratmuhammet MYRADOW,
Aşgabat şäheri.
Türkmenistan energohowpsuzlygyň esasy kepillendirijisi derejesini berkidýär
21-23-nji oktýabrda Aşgabat “Türkmenistanyň nebiti we gazy – OGT 2026” atly 31-nji Halkara maslahatyny we sergini kabul etmek bilen, dünýäniň energetika dialogynyň merkezine öwrüler. Otuz ýyldan gowrak wagtyň dowamynda bu forum daşary ýurtly hyzmatdaşlar bilen hyzmatdaşlygy ösdürmek üçin baş meýdançanyň derejesini üýtgewsiz tassyklap gelýär.
Halk Maslahatynda Türkmenistanyň ýangyç-energetika toplumyny ösdürmegiň ugurlary kesgitlenildi
23-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň mejlisi giň gerimli özgertmeleriň netijelerini jemledi hem-de ýurdumyzy durmuş-ykdysady we senagat taýdan ösdürmegiň möhüm wezipelerini kesgitledi.
Gahryman Arkadagymyz TOPH gaz geçirijisiniň owgan böleginiň gurluşygyny çaltlandyrmagyň esasyny kesgitledi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 10-njy awgustda Owganystana amala aşyran taryhy iş sapary ikitaraplaýyn gatnaşyklary ösdürmekde möhüm waka boldy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
