Türkmenistanyň Geofizikleriň işleri ileri
«Türkmengeofizika» müdirliginiň Mary meýdançasyndaky guýularda geofiziki gözlegler boýunça önümçilik tehnologik gullugynyň hünärmenleri Arkadagly Serdarymyzyň döwletimiziň milli ykdysadyýetiniň esasy pudagy bolan nebitgaz ulgamyny ösdürmek, uglewodorod çig malynyň çykarylýan möçberlerini artdyrmak ugrunda yzygiderli berýän kömek-goldawlary arkaly «Türkmengaz», «Türkmennebit» döwlet konsernleriniň, «Türkmengeologiýa» döwlet korporasiýasynyň edara-kärhanalaryna degişli gözleg hem ulanyş guýularynyň üç ýüz ýigrimi bäşden köpräginde geofiziki barlaglary we beýleki işleri geçirip, täze — 2023-nji ýyla şowly badalga aldylar.
Uly ösüşlere, özgerişlere beslenen 2022-nji ýylda edara kämil tehnologiýaly enjamlar bilen enjamlaşdyrylan ýöriteleşdirilen «KAMAZ» kysymly awtoulaglarynyň täze tapgyrynyň gelip gowuşmagy, guýularda geofiziki gözegçilik işlerini geçirmekde ulanylýan döwrebap serişdeleriň, enjamlaryň tapgyrlaýyn getirilmegi işleriň netijeliliginiň ýokarlandyrylmagyna ýardam berdi.
Mary meýdançasynda häzir toplumlaýyn geofiziki partiýalaryň sekizisi bolup, olaryň üçüsi burawlaýyş işleri alnyp barylýan nebitgaz guýularynda geofiziki gözegçilik we barlag işlerini alyp barýar. Olar burawlaýjylar tarapyndan gazuw işleri geçirilýän guýynyň çuňlugyny, giňligini, ýeriň gatlaklaryny, buraw turbalarynyň abatlygyny, guýynyň turbalarynyň sement ergini bilen berkidişiniň hilini kesgitlemek we beýleki işleri geçirýärler.
Önümçilik tehnologik gullugynyň baý iş tejribeleri bolan halypa hünärmenleriniň aýtmaklaryna görä, guýularda burawlaýyş işleri alnyp barylýan wagtynda turbalaryň gatlak tarapyndan gapjadylmagy kähalatda ýüze çykýan ýagdaýlaryň biri. Şeýle halatda geofizikler tarapyndan takyk enjamlar arkaly, ilki bilen, turbanyň gapjadylan çuňlugy kesgitlenilýär. Soňra bolsa geofiziki usullaryň kömegi bilen sarsgyn bermek arkaly turba gapjamadan boşadylýar. Şol tehnologik işler ýerine ýetirilenden soň turba arassalanylyp, päsgelçilik aradan aýrylýar.
Müdirligiň Mary meýdançasyndaky guýularda geofiziki gözlegler boýunça önümçilik tehnologik gullugynyň düzüminde toplumlaýyn geofiziki partiýalardan başga-da geologiýa tehnologik barlaglar toparlarynyň hem sekizisi bar. Bu toparlar gazuw işleri alnyp barylýan guýularda kämil tehnologiýaly stansiýalar, enjamlar arkaly burawlaýyş işleriniň tehnologiýasyna we geologiýasyna gije-gündiziň dowamynda gözegçilik edýärler. Olar häzir «Galkynyş» gaz känindäki ulanyş guýularynda, Günorta Mary meýdançasynyň 1-nji guýusynda we beýleki guýularda burawlaýyş işleriniň geologiýasyna we tehnologiýasyna gözegçilik edýärler.
— Täze — 2023-nji ýyla şowly badalga alan kärhanamyzyň hünärmenleridir işçileri häzir «Türkmengaz», «Türkmennebit» döwlet konsernleriniň, «Türkmengeologiýa» döwlet korporasiýasynyň edara-kärhanalarynyň buýurmalary esasynda Mary welaýatynyň çägindäki Şerepli, Kelleli, Ýylan gaz känlerinde burawlaýyş işleri alnyp barylýan guýularda, Balkan welaýatynyň çägindäki Uzynada meýdançasynda gazylýan guýularda we beýleki welaýatlaryň çäklerindäki meýdançalarda geofiziki gözegçilik we barlag işlerini ýokary depgin bilen alyp barýarlar.
Kärhanamyzda geofiziki gözegçilik hem barlag işleriniň döwrüň talaplaryna laýyk guralyp, önümçiligimiziň barha öňe gitmegine köpýyllyk iş tejribeleri bolan halypa hünärmenlerimiz, işçilerimiz mynasyp goşant goşýarlar. Olardan burawlamanyň dowamynda guýulary derňemek boýunça geologiýa-tehnologiýa toparynyň başlygy Serdar Kakageldiýew, ýigrimi ýedinji hem-de ýigrimi sekizinji partiýalarynyň başlyklary Nurgeldi Atadurdyýew, Merdan Şallyýew, birinji derejeli geolog Setdar Söýünow, enjam ussahanasynyň kompýuterler boýunça inženeri Döwran Amanow we beýlekiler işde hemmelere görelde bolup, ýaşlara-da halypalyk goldawyny berip durýarlar — diýip, önümçilik-tehnologik gullugyň başlygy Nurgeldi Ataýew gürrüň berdi.
Sapardurdy ÝAÝLYÝEW,
Ussatnews.com.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
