Türkmenistanda nebitgaz toplumyna täze wise-premýer bellenildi

Habarlar

Türkmenistanda nebitgaz toplumyna täze wise-premýer bellenildi

06:21 15.05.2023

https://www.ussatnews.com/storage/posts/5444/original-16461cf87dcdba.jpeg

Türkmenistanda ýangyç-energetika toplumynyň meseleleri boýunça täze wise-premýer wezipesine Amanow Batyr Amangeldiýewiç bellenildi. Ondan öň ol «Türkmengaz» döwlet konsernine ýolbaşçylyk edýärdi.

Degişli Permana Türkmenistanyň Prezidenti Serdar Berdimuhamedow 13-nji maýda sanly ulgam arkaly geçirilen Ministrler Kabinetiniň mejlisinde gol çekdi.

Nebitgaz toplumy boýunça wise-premýer wezipesinde Batyr Amanow Aşyrguly Begliýewiň ýerine geçdi. A.Begliýew Türkmenistanyň Prezidentiniň nebitgaz meseleleri boýunça geňeşçisi bellenildi.

Batyr Amangeldiýewiç AMANOW

1978-nji ýylda Aşgabat şäherinde doguldy. Ýokary bilimli. 2009-njy ýylda şol wagtky Türkmen politehniki institutyny geodeziýa inženeri hünäri boýunça tamamlady.

1994-nji ýylda Aşgabat çaphanasynda ilki çapçynyň şägirdi, soňra çapçy bolup zähmet ýoluna başlady. Şol ýerde 1998 — 2000-nji ýyllar aralygynda kompýuter operatory bolup işledi.

Ýokary okuw mekdebini tamamlandan soňra, 2009 — 2012-nji ýyllarda “Türkmennebitgazgurluşyk” döwlet konserniniň “Türkmenýöritenebitgazgurnama” trestiniň mehanizmleşdirilen işleriň ýöriteleşdirilen müdirliginiň ussasy, ulaglary we mehanizmleri ulanyş bölüminiň esasy hünärmeni, mehanigi bolup zähmet çekdi. 2012-2013-nji ýyllarda “Türkmengaz” döwlet konserniniň “Türkmengazakdyryş” birleşiginiň düýpli gurluşyk bölüminiň esasy inženeri bolup işledi.

2013 — 2017-nji ýyllar aralygynda “Türkmennebitgazgurluşyk” döwlet konserniniň turbageçiriji gurluşygy bölüminiň baş hünärmeni, şol bölümiň başlygynyň wezipesini wagtlaýyn ýerine ýetiriji. 2017-2018-nji ýyllarda “Türkmengaz” döwlet konserniniň “Türkmengazakdyryş” birleşiginiň başlygynyň düýpli gurluşyk boýunça orunbasary.

2018-2019-njy ýyllarda “Türkmengaz” döwlet konserniniň başlygynyň orunbasary. 2019-2020-nji ýyllarda Türkmenbaşydaky nebiti gaýtadan işleýän zawodlar toplumynyň baş direktory bolup işledi.

2020-nji ýyldan bäri Türkmenistanyň döwlet ministri — “Türkmengaz” döwlet konserniniň başlygy.

“Türkmenistanyň Bitaraplygynyň 25 ýyllygyna” atly ýubileý medaly we “Watana bolan söýgüsi üçin” medaly bilen sylaglanyldy.

Başga habarlar

Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy

23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.

Türkmen milli кonserwatoriýada wokal bäsleşigi geçirildi

Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.

OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi

Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.

Wagyz-nesihat çäresi geçirildi

Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.

Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys

«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.