«Türkmengaz» döwlet konsernine täze başlyk bellenildi

Habarlar

«Türkmengaz» döwlet konsernine täze başlyk bellenildi

07:35 15.05.2023

https://www.ussatnews.com/storage/posts/5445/original-16462134d0d04e.png

Döwlet ministri — «Türkmengaz» döwlet konserniniň başlygy wezipesine Maksat Babaýew bellenildi. Ondan öň, ol konserniň başlygynyň orunbasary wezipesini ýerine ýetirýärdi.

Degişli Permana Prezident Serdar Berdimuhamedow geçen şenbe güni sanly ulgam arkaly geçirilen Hökümet mejlisiniň barşynda gol çekdi.

Öň, 2017-nji ýylyň ýanwar-aprel aýlarynda Maksat Babaýew «Türkmengaz» DK ýolbaşçylyk edipdi. 2017-nji ýylyň aprelinden 2018-nji ýylyň aprelinde çenli bolsa ol nebitgaz meseleleri boýunça wise-premýer boldy.

Maksat Mämmetsaparowiç BABAÝEW

1974-nji ýylda Aşgabat şäherinde doguldy. Ýokary bilimli. 1996-njy ýylda şol wagtky Türkmen politehniki institutyny dag inženeri hünäri boýunça tamamlady.

1991-nji ýylda Türkmen politehniki institutynyň laboranty bolup zähmet ýoluna başlady. 1997-nji ýylyň ýanwar — iýun aýlarynda “Türkmennebitgaz” döwlet söwda korporasiýasynyň gaztehniki gözegçilik müdirliginiň baş hünärmeni bolup işledi. 1999 — 2005-nji ýyllarda “Türkmennebitgaz” döwlet söwda korporasiýasynyň “Türkmen- gazakdyryş” birleşiginiň düýpli gurluşyk bölüminiň inženeri, baş hünärmeni, merkezi dispetçer gullugynyň uly dispetçeri, Aşgabat bölüminiň başlygynyň orunbasary bolup zähmet çekdi.

2005 — 2009-njy ýyllarda “Türkmengaz” döwlet konserniniň “Nebitgaz- howpsuzlyk” müdirliginiň gaztehniki gözegçilik gullugynyň başlygy. 2009 — 2011-nji ýyllarda “Türkmengaz” döwlet konserniniň “Türkmengazüpjünçilik” birleşiginiň “Aşgabatgaz” müdirliginiň başlygy.

2011-2012-nji ýyllarda “Türkmengaz” döwlet konserniniň “Türkmengazakdyryş” birleşiginiň başlygy. 2012 —

2017-nji ýyllarda “Türkmengaz” döwlet konserniniň başlygynyň orunbasary.

2017-nji ýylyň ýanwaryndan aprel aýyna çenli Türkmenistanyň döwlet ministri — “Türkmengaz” döwlet konserniniň başlygy wezipesinde işledi.

2017-nji ýylyň aprelinden 2018-nji ýylyň apreline çenli Türkmenistanyň Ministrler Kabinetiniň Başlygynyň orunbasary.

2018-nji ýylyň aprelinden 2023-nji ýylyň fewralyna çenli “Türkmengaz” döwlet konsernine degişli edaralarda we kärhanalarda dürli wezipelerde zähmet çekdi.

2023-nji ýylyň fewralyndan bäri “Türkmengaz” döwlet konserniniň başlygynyň orunbasary.

Başga habarlar

Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy

23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.

Türkmen milli кonserwatoriýada wokal bäsleşigi geçirildi

Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.

OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi

Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.

Wagyz-nesihat çäresi geçirildi

Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.

Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys

«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.