«Baýramalyşähergaz» gaz hojalyk edarasy ilaty «mawy ýangyç» bilen bökdençsiz üpjün edýär
Baýramaly şäheri welaýat boýunça ilaty «mawy ýangyç» bilen üpjün etmekde işleriň iň talabalaýyk guralan ýerleriniň biridir.
Biz «Baýramalyşähergaz» gaz hojalyk edarasynda bolup, onuň başlygy Saparmuhammet ORAZBERDIÝEW bilen gürrüňdeş bolanymyzda:
— Şäherimiz gün-günden ösýär, giňelýär. Onuň çäklerinde täze ilatly ýerler emele gelýär. Tebigy gazyň sarp edilýän möçberem artýar. Şoňa görä, biz edaramyza degişli orta hem-de ýokary basyşly gaz geçirijileriniň durkuny täzelemek, Milli maksatnamada bellenilen meýilnama laýyklykda, täze gaz geçirijilerini gurmak işlerini tapgyrma-tapgyr alyp barýarys. Ilatyň «mawy ýangyç» bilen üpjün edilişini has-da gowulandyrmak üçin işleri bildirilýän talaplara laýyk alyp barmakda «Marygazüpjünçilik» müdirligi bize uly ýardam berýär — diýip, gürrüň berdi.
Edaranyň gazçylarynyň alyp barýan işleri bilen ýakyndan tanşanyňda, şäherde täze gaz geçirijilerini gurmak, ozalky ulanylýan gaz geçirijileriniň durkuny täzelemek boýunça Arkadag Serdarly bagtyýar ýaşlar ýylynyň ilkinji geçen hasabat döwri üçin bellenilen meýilnamanyň ýerine ýetirilendigine göz ýetirýärsiň.
Gazçylar şäheriniň 11-nji ýaşaýyş jaý toplumynda, Milli maksatnama laýyklykda, uzynlygy bäş ýüz elli metr bolan orta basyşly eltiji gaz geçirijini hem-de bir sany gaz sazlaýjy enjamy gurup ulanmaga beripdirler. Diametri elli millimetr bolan bu gaz geçiriji täze emele gelen ilatly ýeriň hojalyklarynyň tebigy gazdan ygtybarly, bökdençsiz peýdalanmaklaryna şert döredýär.
Şu ýylyň birinji ýarymynda bu ýaşaýyş jaý toplumynda ýokary basyşly eltiji gaz geçirijiniň bir müň bäş ýüz segsen metrinde diametri segsen dokuz millimetr bolan turba bir ýüz elli dokuz millimetr bolan turba bilen çalşyrylyp, düýpli abatlaýyş işleri geçirildi. Munuň özi şu ýaşaýyş jaý toplumynyň hojalyklarynyň tebigy gaz bilen üpjünçiligini gowulandyrmak maksady bilen ýerine ýetirilen iri göwrümli işleriň biridir.
Şu ýylyň ikinji ýarymynda şäherde umumy uzynlygy dokuz ýüz metr bolan içki gaz geçirijilerini gurmaklygyň taslamasy hem taýýarlanyldy. Şol taslama esasynda şäheriň 11-nji we 12-nji ýaşaýyş jaý toplumlarynda pes basyşly gaz geçirijilerini gurmak işleri ýerine ýetiriler.
Şäheriň ilatynyň tebigy gaz bilen üpjün edilmeginiň hemişe talabalaýyk guralmagynda edarada köp ýyllardan bäri zähmet çekip gelýän halypa gazçylaryň saldamly goşantlarynyň bardygyny aýtmak gerek. Olardan tehniki howpsuzlyk inženeri Berdimyrat Amansähedow, içeri öý gullugynyň slesary Reşid Abibulin, daşary gaz geçirijiler gullugynyň slesary Taýmaz Bazarow, gaz hojalygynyň barlaýjysy Serdar Annadow, buýurmalary kabul ediji Çary Begnepesow dagy özleriniň baý iş tejribesi bilen edaranyň ýaş işçilerine hemişe zähmet göreldesini görkezýärler.
— Biz häzir gazçylar üçin möhüm hem jogapkärli döwür hasaplanylýan güýz-gyş möwsümine taýýarlyk işlerini ýaýbaňlandyrdyk. Edaramyza degişli gaz sazlaýjy hem-de gaz paýlaýjy enjamlarda tehniki derňew we tehniki hyzmat işleri geçirilýär. Detallary ýaglamak, reňklemek işleri ýerine ýetirilýär. Şäheriň çägindäki ýerasty geçirijilerde gaz syzmalaryny anyklamak üçin barlag işleri alnyp barylýar. Gaz geçirijileri poslamadan goramak üçin ulanylýan katod stansiýalar, gatlalar tehniki taýdan pugta gözden geçirilýär. Munuň özi edaramyz boýunça möwsüme birkemsiz taýýarlyk görmegimize ýardam berer — diýip, «Baýramalyşähergaz» gaz hojalyk edarasynyň daşary gaz geçirijiler gullugynyň ussasy Durdymyrat Muhammedow gürrüň berýär.
Sapardurdy ÝAÝLYÝEW,
USSATNEWS.COM.
Türkmenistan energohowpsuzlygyň esasy kepillendirijisi derejesini berkidýär
21-23-nji oktýabrda Aşgabat “Türkmenistanyň nebiti we gazy – OGT 2026” atly 31-nji Halkara maslahatyny we sergini kabul etmek bilen, dünýäniň energetika dialogynyň merkezine öwrüler. Otuz ýyldan gowrak wagtyň dowamynda bu forum daşary ýurtly hyzmatdaşlar bilen hyzmatdaşlygy ösdürmek üçin baş meýdançanyň derejesini üýtgewsiz tassyklap gelýär.
Halk Maslahatynda Türkmenistanyň ýangyç-energetika toplumyny ösdürmegiň ugurlary kesgitlenildi
23-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň mejlisi giň gerimli özgertmeleriň netijelerini jemledi hem-de ýurdumyzy durmuş-ykdysady we senagat taýdan ösdürmegiň möhüm wezipelerini kesgitledi.
Gahryman Arkadagymyz TOPH gaz geçirijisiniň owgan böleginiň gurluşygyny çaltlandyrmagyň esasyny kesgitledi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 10-njy awgustda Owganystana amala aşyran taryhy iş sapary ikitaraplaýyn gatnaşyklary ösdürmekde möhüm waka boldy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
