Tomaşaçylaryň gyzgyn söýgüsini gazanan aýdymçy Ahmet ATAJANOW
Ýurdumyzyň zehinli ýaş estrada aýdymçysy «Ýylyň parlak ýyldyzy – 2017» atly döredijilik bäsleşigiň baş baýraga mynasyp bolan Ahmet ATAJANOW joşgunly aýdymlary bilen tomaşaçylaryň gyzgyn söýgüsini gazanan aýdymçy. Golaýda biz Ahmet bilen söhbetdeş bolup, onuň köňül buýsanjyny okyjylarymyza ýetirmegi makul bildik.
– Ahmet, söhbedimizi sungat älemindäki başlangyç ädimleriňiz hakda berjek gürrüňleriňiz bilen başlaýsak!
– Men Ahal welaýatynyň Altyn asyr etrabyndaky 1-nji orta mekdebiň 3-nji synpynda okaýarkam aýdym-saz dünýäsine imrindim. Ilkinji halypam, mekdebimiziň aýdym-saz mugallymy Bäşim Ataýew bu sungata ugrukdyrdy. Şeýdibem men Daňatar Öwezow adyndaky ýöriteleşdirilen sazçylyk mekdebinde okuwymy dowam etdirdim. Soň bolsa Türkmen milli konserwatoriýasynyň wokal bölüminde aýdym-sazyň inçe syrlaryny öwrendim. Döredijilik dünýäsi gözel dünýä, oňa garylyp, köňlüňi bereňsoň, halkyň söýgüsini gazanyp, ajaýyp aýdymlaryň bilen hyzmat etmeli.
– Maşgala durmuşyňyz baradaky gürrüňleriňizi hem diňläýsek!
– Maşgalada dört dogan bolup ulaldyk. Gelnim bilen iki oglumyzy — Serdary hem-de Didary ilhalar adamlar edip ýetişdirmekde yhlas edýäris. Ynsan üçin maşgalasyndan, çagalaryndan gymmatly zat ýok.
– Ahmet, her bir aýdymçynyň öz ýoly, äheňi bolýar. Halypalardan gowy görüp diňleýän aýdymçylaryňyz kimler?
– Dogry bellediňiz. Her bir aýdymçynyň öz ýoly, halypalaryndan öwrenen tärleri bolýar. Mugallymlarym Mämmetmyrat Annamyradowyň, Şeker Amanowanyň gazanan üstünligimde hyzmatlary uly.
Halypa bagşylarymyzdan Sahy Jepbarowyň, Ödenyýaz Nobatowyň aýdymlaryny diňlänimde lezzet alýan. Özüm-ä hemişe halypalary diňläp, olardan näme-de bolsa bir zat öwrenmegi maksat edinýän.
– Üstünlige ýetmekde, ilkinji nobatda, özüňize nämäni zerur hasaplaýarsyňyz?
– Üstünlige ýetmek üçin, ilki bilen, irginsiz zähmet, yhlas, şeýle-de, saýlap alan käriňe bolan söýgi zerur. Aýdym-saz sungaty örän inçeligi talap edýär. Şonuň üçinem yhlas etmeli, şonda üstünlik hemişe hemraň bolýar.
– Ahmet, siz 2017 ýylda ýaş aýdymçylaryň zehinini ykrar edýän «Ýylyň parlak ýyldyzy» atly bäsleşiginde uly üstünlik gazanyňyz.
– howwo. «Ýylyň parlak ýyldyzy – 2017» atly döredijilik bäsleşiginiň jemleýji tapgyrynda ýeňiji bolmak bagty nesibämde bar eken. «Nurana» diýen aýdymym bilen bäsleşige gatnaşyp, talapkär eminleriň, teletomaşaçylaryň ynamyny ödemek miýesser etdi. Aýdym-saz sungatymyzy ösdürmäge, ýaş zehinleri goldamaga we höweslendirmäge aýratyn üns berýän mähriban Arkadagymyza çäksiz alkyş aýdýaryn.
– Geljekde öňde goýan maksatlaryň bardyr...
– Gün-günden gözelleşýän Watanymyza, bagtly durmuşymyza guwanyp, täze aýdymlary döretmegi maksat edinýän. Nesip bolsa, eziz Watanymyzda tutulýan toýlarda ajaýyp aýdymlarymyz bilen halkymyza hyzmat ederis. Goý, hemişe eziz Diýarymyzda aýdym-sazyň owazy belentden ýaňlansyn! Gahryman Prezidentimiziň jany sag, il-ýurt bähbitli ähli tutumlary hemişe rowaç bolsun! Täze ýylyň her bir güni toý-baýramlara beslenip, nurana arzuwlar hasyl bolsun!
– Söhbetdeşligiňiz üçin köp sag boluň! Maksatlaryňyz myrat tapsyn!
Ýazgül ANNAÝEWA,
USSAT NEWS.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
