Baýramhan SAPAROWYŇ aýdymly dünýäsi
Berkarar döwletimiziň bagtyýarlyk döwründe milli aýdym-saz sungatymyzy ösdürmäge, ýaş zehinleri ýüze çykarmaga uly üns berilýär. Ynsan kalbyna bir pursatlyk hem bolsa owadan duýgulary bagyşlap bilmek hem uly bagt. Şeýle owadan duýgulary paýlaýan ýaş aýdymçy, «Türkmengaz» döwlet konserniniň Medeni-işewürlik merkeziniň aýdymçysy Baýramhan SAPAROWDYR. Onuň bilen USSAT NEWS gazetimiziň okyjylary üçin ýörite söhbetdeşlik guradyk. Şol söhbetdeşligi okyjylarymyza hödürleýäris.
– Baýramhan, aýdym-saz sungatyna gelşiň barada aýdaýsaň!
– Çagalykdan aýdym aýtmagy gowy görerdim. Doganym Şöhrat bilen hemişe kakamyň yzyna düşüp, studiýasyna gatnap, aýdymlaryň aýdylyşyny öwrenerdik. Ata göreldesi mydama dogry hem dürs ýoly salgy berýär. Sungat äleminde kimseler ata-enesiniň kesbini dowam etdirýär, kimseler kalbyndaky ylhama, joşguna berlip, aýdymly dünýä gatylýar. Aýdym-sazyň içinde ösüp-ulalmak sungata bolan höwesimi oýaryp, kakamyň kesbini dowam etdirmegime ýol açdy. Öýde onuň gitarada saz çalyp, aýdym aýdyp beren wagtlary gulagymyz şirin aýdymlardan ganardy. Şeýdibem, bu sungatyň syrly dünýäsine imrinip gitdim. «Aşgabat», «Watanym», «Bägül» ýaly aýdymlarymyň aýdym-saz muşdaklarynyň kalbynyň töründe ýer etmeginde diňe meniň däl, eýsem kakamyň uly paýy bar. Mekdepde okaýan döwürlerim ýerine ýetirýän aýdymlaryma mugallymlarym hem guwanyp diňlärdiler. Şol wagtdan bäri diňleýjileriň kalbyna girip, olara azajyk bolsa-da, ruhy şatlyk paýlamaga howlugýaryn. Türkmen sährasynyň gözelligi gursagyňa täze-täze aýdymlary guýup, seni joşdurýar.
– Baýramhan, gowy görüp, diňleýän aýdymçylaryňyz kimler?
– Kakam, Türkmenistanyň halk artisti Akmuhammet Saparowyň aýdymlaryny ürç edip diňleýän. Şeýle-de, sungat äleminiň ägirtleri, halypa bagşylarymyzdan Öwezgeldi Tekäýewiň, Sahy Jepbarowyň aýdymlaryny diňläp, olardan täsirlenýärin. Halypalaryň aýdymlaryny diňläniňde, öz kemçilikleriňi duýup bolýar. Halypalar şägirdini sungatyň hakyky mekdebine gönükdirip, diňe bir aýdym-sazy öwretmek bilen çäklenmän, halkyň içinde özüňi alyp barmagyň hem inçe tärlerini öwredýär.
– Geljekde öňüňizde goýan maksatlaryňyz barada aýdaýsaňyz...
– Nesip bolsa, geljekde halkymyzyň göwnüne ýaraýjak ajaýyp döwrümiz – Berkarar döwletimiziň bagtyýarlyk döwri baradaky aýdymlary döredip, aýdym-saz sungatynyň ösmegine öz goşandymy goşmak üçin jan-aýaman işlärin. Türkmen halkyna ajaýyp zamanany, döwletli döwrany bagyş eden hormatly Prezidentimiziň jany sag, ömri uzak, işleri hemişe rowaç bolsun!
– Beren gyzykly gürrüňleriňiz üçin köp sag boluň! Berkarar döwletimiziň bagtyýarlyk döwründe ýaş aýdymçylarymyzyň owazy eziz Watanymyzyň toýly, döwletli-döwranly, derejeli günlerinde belentden-belent ýaňlansyn!
Ýazgül ANNAÝEWA,
USSAT NEWS.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
