Nurýagdy Rejebow Berkarar döwletimiziň bagtyýarlyk döwrüni ajaýyp aýdymlarynda wasp edýär
Halkymyzda «Ile döwlet geler bolsa, bagşy bilen ozan geler» diýlip, aýdym-saz, sungat ussatlaryna uly hormat goýulýar. Sungat köňül köprüsine öwrülip, ynsanlary has-da jebisleşdirýär. Garaşsyz diýarymyzda bagşy-sazandalar eziz Watanymyzy, halkymyzyň we ýurdumyzyň şöhratly taryhyny, dogduk diýarymyzyň tebigatyny, Berkarar döwletimiziň bagtyýarlyk döwründe milli Liderimiziň baştutanlygynda gazanylýan üstünlikleri ajaýyp aýdymlarynda wasp edýärler. Olaryň biri zehinli ýaş estrada aýdymçysy Nurýagdy Rejebow.
Şu gün joşgunly aýdymlary bilen tomaşaçylaryň gyzgyn söýgüsini gazanyp, ýaşlaryň arasyndan saýlanmagy başaran aýdymçy, Tűrkmenistanyñ at gazanan artisty Nurýagdy REJEBOW bilen USSAT NEWS gazetiniň okyjylary üçin söhbetdeşlik guradyk.
— Nurýagdy, aýdym-saz sungatyna gelşiňizi ýatlaýsaňyz?
— Çagalykdan aýdym-sazyň içinde ulaldym. Öýümizde hemişe dürli saz gurallary bolardy. Onsoň, kakamyň saz gurallaryny çalyp, hiňlenerdim, halypalaryň aýdymlaryny diňlemegi halardym. Şeýdibem aýdym-sazyň syrly dünýäsine siňip gitdim. Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde geçirilýän zehinli çagalaryň «Garaşsyzlygyň merjen däneleri» atly aýdym-saz bäsleşiginiň ýeňijisi boldum. 2015-nji ýylda «Ýylyň parlak ýyldyzy –– 2015» atly bäsleşigiň ýeňijisi bolandygyma buýsanýaryn.
Arkadag Prezidentimiz aýdym-saz sungatymyzy ösdürmäge, ýaş zehinleri goldamaga we höweslendirmäge aýratyn üns berýär. Zehiniň, ukyp-başarnygyň bilen halka hyzmat etmek, mukaddes Watanymyzyň ösüş-özgerişlerini wasp etmek uly bagt. Biz Gahryman Arkadagymyzyň saýasynda ähli arzuwlaryň hasyl bolýan bagtyýar zamanasynda ýaşaýarys. Şeýle ajaýyp zamanany wasp etmegiň özem ylham berýär. Üstünligem halypalaryň aýdyşy ýaly, çuňňur söýgüden, yhlasdan kemal tapýar. Bu döredijilik üstünligine eýe bolmagymda halypalarymyň zähmeti, yhlasy uly. Şolaryň ynam-goldawy bilen nesip bolsa, geljekde hem ajaýyp zamanamyzy wasp edýän aýdymlary dörederis. Ussat aýdymçy, halypa Annaberdi Atdanowyň aýdan aýdymlaryny, döredijiligini özüme ýakyn saýýan.
— Geljekki maksatlaryňyz hakda-da gürrüň edäýeli.
— Döredijilik dünýäsi gözel dünýä, oňa garylyp, köňlüňi bereňsoň, halkyň söýgüsini gazanjak bolmaly. Ýüreklerden orun almak üçin hem irginsiz işlemeli bolýar. Halkymyzy bagtdan paýly eden ajaýyp zamanamyzda döretmek, aýdym aýtmak juda ýakymly. Arkadag Prezidentimiziň ýaşlar baradaky edýän çäksiz aladalary bolsa biziň üçin ylham çeşmesi bolup durýar. Sahna – aýdymçy üçin mukaddes ýer. Ilki bilen aýdasym gelýän zat, sahna çykmazdan öň özüňi oňat ele almaly. Sebäbi tomaşaçynyň öňünde zehiniňi we başarnygyňy açyp görkezmek, olaryň gyzgyn el çarpyşmalaryna mynasyp bolmak aňsat däl. Olaryň gyzgyn el çarpyşmalary özüňe bolan ynamyňy artdyrýar, kalbyňy şatlandyrýar, ylhamyňy joşdurýar. Öwrenmek üstünlige eltýär. Şonuň üçinem elmydama halypalary diňläp, olardan näme-de bolsa bir zat öwrenmegi maksat edinýän.
— Maşgala durmuşyňyz barada-da aýdaýsaňyz?!
— Agzybir maşgalam, iki oglum, bir gyzym bar. Aýdymlarymyň ilkinji diňleýjisi gelnim. Her bir gazanýan üstünligimde olaryň mynasyp paýy bar. Sungat, döredijilik barada gürrüň edilende halypalar: «Üstünlik togsan dokuz göterim zähmetden, bir göterim hem zehinden durýar» diýip, nygtaýarlar. Şu aýtgyny hemişe özüme ýol-ýörelge edinmäge çalyşýaryn.
— Beren gürrüňleriňiz üçin sag boluň! Berkarar döwletimiziň bagtyýarlyk döwründe ajaýyp aýdymlaryň owazy belentden-belent ýaňlansyn!
— Sag boluň.
Ýazgül ANNAÝEWA,
USSAT NEWS.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
