Daşoguz welaýatynyň birinjiligi ugrunda sportuň stol tennisi görnüşi boýunça bäsleşik geçirildi
Daşoguz şäheriniň 1-nji çagalar we ýetginjekler sport mekdebinde 2003-nji ýylda doglan we ondan kiçi ýaşly oglan-gyzlaryň arasynda sportuň stol tennisi görnüşi boýunça Daşoguz welaýatynyň birinjiligi ugrunda bäsleşik geçirildi. Daşoguz welaýatynyň Sport we ýaşlar syýasaty Baş müdirligi tarapynan guralan ýaryşa welaýatyň etrapdyr-şäherlerinden jemi 72 sany türgen gatnaşdy.
Gyzgalaňly geçen bäsleşigiň oglanlaryň arasyndaky toparlaýyn ugry boýunça Daşoguz şäheriniň, Görogly we S.Türkmenbaşy etraplarynyň türgenleri degişlilikde 1-nji, 2-nji hem-de 3-nji baýrakly orunlara mynasyp boldular. Gyzlaryň arasyndaky toparlaýyn ugry boýunça bäsleşiklerde bolsa, Daşoguz şäheriniň, Görogly we Akdepe etraplarynyň türgenleri yzygiderlilikde 1-nji, 2-nji hem-de 3-nji baýrakly orunlara mynasyp boldular.
Şahsy oýunlar boýunça geçirilen ýaryşlarda oglan türgenleriň arasyndan 1-nji orna Daşoguz şäheriniň 8-nji orta mekdebiniň 9-njy synp okuwçysy A.Hudaýbergenow, 2-nji orna Görogly etrabynyň 43-nji orta mekdebiniň 8-nji synp okuwçysy G.Nepesow we 3-nji orna Görogly etrabynyň 43-nji orta mekdebiniň 10-njy synp okuwçysy B.Kurbanow dagylar mynasyp boldular.
Şahsy oýunlardaky ýaryşlarda gyz türgenlerden Daşoguz şäheriniň 8-nji orta mekdebiniň 10-njy synp okuwçysy M.Reýimbergenowa, Daşoguz şäheriniň 8-nji orta mekdebiniň 10-njy synp okuwçysy Ş.Hudaýbergenowa dagylar degişlilikde baýrakly 1-nji, 2-nji orunlara mynasyp boldular. 3-nji orny bolsa, Daşoguz şäheriniň 13-nji orta mekdebiniň 7-nji synp okuwçysy R.Umarowa hem-de Akdepe etrabynyň 2-nji orta mekdebiniň 11-nji synp okuwçysy U.Artykowa dagylar bilelikde paýlaşdylar.
Ýaryşda öňdäki orunlara mynasyp bolanlara Türkmenistanyň Magtymguly adyndaky Ýaşlar guramasynyň Daşoguz welaýatynyň S.A.Nyýazow adyndaky etrap Geňeşi tarapyndan ýadygärlik sowgatlar gowşuryldy. Şeýle bäsleşikler ýaşlaryň arasynda sportuň ähli görnüşleri boýunça yzygiderli geçirilip durulýar. Bäsleşige gatnaşan türgenler ýaş nesilleriň ahlak taýdan arassa, ruhy taýdan kämil, beden taýdan sagdyn bolup ýetişmekleri üçin edýän atalyk aladalary, türkmen sportunyň ösmegi baradaky edýän taýsyz tagallalary üçin hormatly Prezidentimize ýürekden alkyşlar aýtdylar.
Nurýagdy GALPAKOW,
TMÝG-niň Daşoguz welaýatynyň S.A.Nyýazow adyndaky etrap Geňeşiniň esasy hünärmeni.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy.
Ýerasty suw ýataklarynyň gor baýlygy artdyrylýar
«Türkmengeologiýa» döwlet korporasiýasynyň ýurdumyzyň welaýatlaryndaky gidrogeologiýa ekspedisiýalarynyň işgärleri halkymyzy gündelik arassa agyz suwy bilen üpjün etmek babatda möhüm işleri durmuşa geçirýärler. «Marygidrogeologiýa» ekspedisiýasynyň işgärleriniň alyp barýan işleri hem şunuň bir mysalydyr.
Türkmenistanyň erkin göreşçileri okuw-türgenleşik ýygnanyşyklaryny geçirdiler
2026-njy ýylyň awgust aýynda Mary we Aşgabat şäherlerinde erkin göreş boýunça geçirilen tapgyrlaýyn okuw-türgenleşik ýygnanyşyklary sport ussatlygyny ýokarlandyrmaga, tejribe alyşmaga hem-de pälwanlaryň geljekki ýaryşlara fiziki taýýarlygyny pugtalandyrmaga gönükdirildi.
