Nar örän peýdaly miwe
21:47 17.10.2021
Nar - işdäňi gowulandyrmak we ýaşlygyňy saklamak üçin örän peýdaly miwe.
Gadymy müsürlileriň nar agajyny "ýaşaýyş agajy" diýip atlandyrmagy ýöne ýere däldir.Nar işdäni açýar, iýmitiň has gowy siňmegine kömek edýär, ýürek-damar ulgamynyň işleýşini gowulandyrýar, gemoglobiniň derejesini ýokarlandyrýar we antioksidantdyr (öýjükleriň ýaş bolmagyna kömek edýär).
Bu miwe ajaýyp bejeriş aýratynlyklaryna eýedir, onda C, B6, B12, P witaminleri, süýüm, minerallar we mikroelementler bar. Ol suwsuzlygy gandyrmaga, işdäňi güýçlendirmäge, gyzyl gan öýjükleriniň döremegine we gemoglobiniň öndürilmegine kömek edýär we ajaýyp biogen gyjyndyryjydyr. Nar iýýän çagalar, köplenç, çalasyn, akylly we güýçli bolýarlar.
Nar immunitetini, gan damarlarynyň diwarlaryny, nerw ulgamyny güýçlendirýär we gan emele gelşini gowulandyrýar. Şeýle hem garrylara we operasiýa edilen adamlara ony iýmek maslahat berilýär.
Iba-Bekir WELIÝEW,
Türkmen döwlet binagärlik - gurluşyk institutynyň talyby.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
Täze jaýyň gurluşygy — peýdaly maslahatlar
Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.
