Onda şygryýete söýgi bar

22:37 03.12.2020

https://www.ussatnews.com/storage/posts/318/original-15fc92da77ef37.jpeg

Berkarar döwletimiziň bagtyýarlyk döwründe hormatly Prezidentimiz tarapyndan durmuşa geçirilýän özgerişliklerden gülleýän diýarymyzyň ösüşlerine guwanmazlyk mümkin däl. Şol ajaýyplyklary ýazyjy-şahyrlar şygyrlarynda wasp etse, bagtyýarlyga beslenen pursatlar suratkeşleriň eserlerinde öz beýanyny tapýar. Kompozitorlar bolsa gülzarlygyň goýnunda gülleýän Watanymyzyň şanyna ajaýyp saz eserlerini döredýärler.

 Bu ajaýyp zamanamyzda öz ýürek joşgunyny dürli eserler arkaly beýan etmäge synanyşyk edýän ildeşlerimiz kän. Olar öz kalp joşgunynyň önümi bolan eserlerini bize iberip durýarlar. Biz hem şeýle ildeşlerimiziň döredijilik älemindäki synanyşyklaryny «Makalalar» atly rubrikada ýerleşdirmegi makul bildik. Şu gün hem Aşgabat şeheriniň ýaşeýjysy Gurbansoltan MÄMMETSÄHEDOWA öz goşgularynda durmuşymyzyň görkanalygyny artdyrýan enelerimiziň, mähriban zenanlarymyzyň waspyny ýetirýär.

EJEME

Özüň arassaçyl bolanyň üçin,

Arassa bolmagy öwredipdiň sen.

Tertipli bolmagy ündäp her günde,

Edepli edipdiň bizi, jan ejem.

Dogruçyl bolmagy nesihat edip,

Çagalaň ählisine öwredip edep,

Ähli aýdanlaryň sapak edinip,

Kämilligi aldyk senden jan ejem.

Bu gün oba-ilde abraýmyz uly,

Sylanýarys, sylaýarys illeri,

Käte ýatlap, öwüt berlen günleri,

Saňa alkyş aýdýas, üýşüp, jan ejem.

Kämil maşgalada kemala geldiň,

Il alkyşyn aldyň, hormatyn aldyň,

Çagalaryň abraýyny gazandyň,

Ogul-gyza guwanypdyň, jan ejem.

Mylaýymdyň, ýumşakdy häsiýetiň,

Göz öňümden gidenok seň syratyň,

Mäkäm tutup musulmanlyk sünnetin,

Haja gidip, hajy bolan, jan ejem.

Owadan keşbiňi ýatlaýan ýene,

Näçe ýatlasamam, az bolýar ýene,

Dünýäde seniň dek barmyka ene,

Haja gidip gelen Nursoltan ejem.

TERBIÝEÇI GELNE

Ezber gördüm bir eneke gelini,

Aglak gyzym aglatmanjyk güýmedi.

Başga enekelere hiç başartmadyk,

Keçjal gyzym aglamakdan saklady.

Onda jady barmy, ýa ene mähri,

Ähli çagajyklar onuň daşynda.

Diňdirip bolmaýan mähriban gyzym,

Indi hiňlenip ýör oýun başynda.

Ene bolup enä alkyş okaýyn:

«Gunça, saňa baky saglyk dileýän,

Häsiýetiň ýumşak, özüň mylaýym,

Görjek günleň gowy bolsun, ylaýym!».

Ussat news

Başga makalalar
165f9d3ed4c5c0.jpeg
Eserleri — ruhy hazyna

Magtymguly Pyragy türkmeniň ruhy sütünleriniň biridir. Akyldaryň döwredijiligi halkymyzyň durmuşynda we terbiýe mekdebinde mynasyp orun eýeleýär.


165f44c5a3a8f1.jpeg
Gaz akdyryjylaryň rowaçly gadamlary

«Türkmengaz» döwlet konserniniň «Türkmengazakdyryş» birleşiginiň «Daşoguzgazakdyryş» müdirliginiň gazçylary «Döwletabat — Derýalyk» ugry boýunça türkmen gazynyň dünýä bazaryna çykarylmagy ugrunda hem-de ýurdumyzyň demirgazyk welaýatynyň ilatynyň gymmatly «mawy ýangyç» bilen ýokary derejede üpjün edilmegi babatda nusgalyk işleri alyp barýarlar.


165dc6a2670a92.jpeg
Türkmenistanda habar beriş serişdeleriniň sanlylaşdyrylmagy täze mümkinçilikleri açýar

Ählumumy sanlylaşdyrma we internet asyry täze habar beriş serişdeleriniň döremegi üçin mümkinçilikleri açmak bilen çäklenmän, eýsem, sanly ulgamdan peýdalanýan okyjylaryň täze neslini kemala getirdi. Olar üçin maglumatlaryň esasy çeşmesi bolup metbugat sahypasy däl-de, kompýuteriň, planşetiň ýa-da smartfonyň multimedia ekrany hyzmat edýär.

165c31806f1f62.jpeg
Magtymguly Pyragynyň kanoniki portretiniň döreýşi

Döwlet şekillendiriş sungaty muzeýiniň zallarynyň birini Türkmenistanyň halk suratkeşi Aýhan Hajyýewiň döreden beýik şahyrymyz Magtymguly Pyragynyň kanoniki portreti bezeýär. Bu portret Magtymgulynyň keşbiniň hut şeýle bolandygyna ynamymyzy berkitdi. Ýogsa, eseriň döredilen wagty suratkeş bary-ýogy 23 ýaşynda eken, ol şonda-da fotosuraty bolmadyk şahyryň keşbini şekillendirmäge ýaýdanmandyr. A.Hajyýewiň ýerine ýetirmeginde Magtymgulynyň asyl keşbiniň emele gelşine düşünmek üçin bu eseriň döreýşiniň taryhyny ýatlamagy makul bildik.


165953ddc0ebdf.jpeg
Sergeý Lazarew joşgunly türkmen tomaşaçysynyň öňünde dyza çökdi (Arhiwdan 2014 ýyl)

Rus estradasynyň ýyldyzy Sergeý Lazarewiň Sportuň gyşky görnüşleri boýunça sport toplumynda guralan çykyşy diýseň uly şowhun döredip, tomaşaçylaryň müňlerçesinde gyzyklanma döretdi.