Otagy güller bilen bezemek
11:59 02.04.2022
Öýüň, iş otagynyň güllerden emele getirilen içki bezegi gurluşyk bezeglerinden kem bolmadyk möhüm zerurlyk hasap edilýär. Yöne güller bilen bezemegiň ýerine düşmegi üçin otagyň ilki bilen gurluşyk bezegini hem meýilleşdirmek maslahat berilýär. Çünki ol otagyň arassaçylyk, ýerbe-ýerlik, gözellik häsiýetnamasyny emele getirmek bilen, otagdaky adamlaryň iş we döredijilik keýpine ýakymly täsir edýär. Içerde tämiz howa gurşawyny döredýär.
Otaglaryň içki görnüşini emele getirmekde, ozaly bilen, otagyň haýsy maksatlara niýetlenendigi, penjireleriniň ýerleşişi we sany, Gün şöhlesiniň düşüş mukdary ýaly görkezijiler hasaba alynýar.
Öýüň içki görnüşini emele getirmek üçin otagyň tutuş içki meýdany, esasan, iki uly bölege: ýyly hem-de sowuk reňkler ulanylyp bezelen böleklere bölünýär. Ýyly bölege, esasan, gyzyl, mämişi, sary, benewşe reňkler mahsusdyr. Sowuk bölege ähli gök, mawy, pöwrüze, siren reňkler häsiýetli bolýar.
Tebigy ýagtylygyň az düşýän otaglarynyň içine, esasan, ýyly reňkleri ulanmak maslahat berilýär. Penjiresi günorta açylýan otaglarda sowuk repkleri ulanmak ýerlikli hasap edilýär. Yöne penjiresi demirgazygä bakýan otaglaryň bezeginde gök, mawy rekleri ulanmazlyk maslahat berilýär.
Şeýle tertipde oňarylan otaglarda gülleriň bezeginden ýaşamak üçin oňaýly gurşawy emele getirmek mümkindir.
Baýmyrat DÖWLETGELDIÝEW,
Türkmen döwlet binagärlik - gurluşyk institutynyň talyby.
Gülli kelemiň peýdasy
Gülli kelemiň (brokkoli kelemi) watany gündogar Ortaýer deňzi sebiti hasaplanýar. Ol 2 ýyllyk ösümlik bolup, ýabany kelemden gelip çykýar. Häzirki wagtda hytaý, hindi, italýan, türk, fransuz, ispan we dünýäniň başga-da ýurtlarynyň aşhanalarynda giňden ulanylýar.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.