Banan dünýäde iň möhüm iýmit ekinleriniň biridir. Bu önüm bedenimizi insultdan we gipertoniýadan goraýar, agramy gözegçilikde saklaýar, immuniteti goldaýar.

100 g üçin bişen bananlaryň kaloriýasy we ýokumlylygy: kaloriýa — 88, beloklar — 0,74 g, ýaglar — 0,29 g, uglewodlar — 23 g, iýmit süýümi — 4,6 g.

Banan uglewodlaryň baý çeşmesi hasaplanylýar, immuniteti güýçlendirmek üçin B (B1, B2, B6), C we P witaminlerini öz içine alýar. Çydamly krahmalyň we süýümiň köp bolmagy sebäpli bu miweleriň pes glisemiki görkezijisi bar (GI).

Bişmedik bananlaryň esasy düzümi (80%-e çenli) çydamly («siňdirilmeýän») krahmal we pektin bedende prebiotik hökmünde hereket edýär, iýmit siňdiriş ulgamynda peýdaly bakteriýalaryň ösmegine itergi berýär we saglygy berkidýär.

Şeýle-de bolsa, bişiş döwründe krahmalyň köp bölegi şekere (fruktoza we glýukoza) öwrülýär. Şol sebäpli birneme bişmedik bananlar gowy doýurýar we agramyny bir kadada saklajak bolýan adamlar üçin amatlydyr.

Esger RYZAKULYÝEW,

Türkmen döwlet binagärlik - gurluşyk institutynyň talyby.