Tigir sürmek – sagdyn ömür sürmek
Mälim bolşy ýaly, Garaşsyz, hemişelik Bitarap ýurdumyzyň başlangyjy esasynda, her ýylyň 3-nji iýunynda Bütindünýä welosiped güni halkara derejede bellenilip geçilýär. Bu ajaýyp sene mynasybetli, şeýle hem ýurdumyzda sportuň bu görnüşine berilýän aýratyn ünsüň subutnamasy hökmünde paýtagtymyzyň gözel künjeginde «Welosiped» binasy bina edildi.
Tigir ekologiýa taýdan arassa ulag serişdesi bolup, ol beden saglygyny dikeltmekde we berkitmekde örän ähmiýetlidir. Lukmanlar welosipedli gezelenjiň bedeniň işjeňligini artdyrmaga, imuniteti berkitmäge, çydamlylygy ýokarlandyrmaga, emosional ýagdaýy durnuklaşdyrmaga ýardam edýändigini belleýär. Tigir sürmek diňe bir saglygyňy berkitmek bolman, eýsem ol her bir adamyň ekologiýa abadançylygyna goşýan özboluşly goşandydyr.
Tigir sürmek bilen meşgullanmaga täze başlaýan adamlar käbir düzgünlere berjaý etmelidir. Ýagny, ilkibaşda bedene artykmaç agram bermeli däl, türgenleşikler yzygiderli, ýöne az wagtlyk bolmalydyr. Sportuň ähli görnüşlerinde bolşy ýaly, tigir sürüp başlamazdan öň, 5-10 minutlyk beden gyzdyryjy maşklary ýerine ýetirmeli. Bu tigir sürülende beden süňklerine we myşsalara agram düşmekden goraýar.
Tigir sürmek bilen adamyň ukysy gowulanýar, ünsliligi, düşbüligi artýar, immuniteti ýokarlanýar, bedende garramak hadysasy haýallaýar, güýç-gaýratyň artyp, ruhuň göterilýär. Tigir sürmek häzirki zaman adamsy üçin durmuş ýörelgesi bolmalydyr.
Şamuhammet RAHMANBERDIÝEW,
Türkmenistanyň Prezidentiniň ýanyndaky Döwlet gullugy akademiýasynyň diňleýjisi.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
