Brokkol keleminiň peýdasy
21:45 22.12.2020
Brokkol kelemi birýyllyk ýabany ösümlik bolup, reňkli kelemler maşgalasyna degişlidir. Mineral maddalaryndan kaliý, kalsiý, fosfor, sink, natriý we demir, şeýle-de, belogyň köplügi bilen beýleki kelemlerden tapawutlanýar. 100 gram gaýnadylan kelemi iýmeklik bedeniň bir günki C witamine we karotine bolan talabyny kanagatlandyrýar. Brokkol kelemi diňe bir keselleriň öňüni almak üçin däl-de, eýsem, käbir keselleri bejermek üçin hem peýdalydyr. Brokkol kelemi güllän wagtynda gülüniň düzüminde sulforafon maddasynyň bardygy üçin bedende rak keselini döredýän öýjükleriň köpelmegine garşy durýar. Onuň baldagyndaky peýdaly maddalar aşgazandaky sowuklama, ýara keselini bejermek we semizlikden ejir çekýänler üçin peýdaly iýmitdir. Iýmit siňdirişi gowulandyrýar, içegedäki gerek bolmadyk zyýanly maddalary çykarmaga kömek edýär we içegedäki çiş keselleriniň öňüni alýar.
Brokkol keleminden işdäaçar taýýarlamak üçin 200-300 gram kelemi we 1-2 sany käşiri bilelikde duz atylan suwda birsalym gaýnatmaly, kelemi dogramaly, käşiri gyrgyçdan geçirmeli, 1 sany duzlanan hyýary, 50 gram ýaş sogany ownuk edip dogramaly hem-de hemmesini bilelikde garyşdyrmaly we 1-2 nahar çemçesi ösümlik ýagyny, islegiňe görä ajy burç we duz atmaly. Şeýle taýýarlanan işdäaçar siziň saglygyňyz üçin örän peýdalydyr.
Taýýarlan Abadan BERDIÝEWA,
TSG we DSM-niň Saglygy goraýşyň habarlar merkeziniň bölüm müdiri.
Çopantelpegiň adam saglygyna ýetirýän peýdaly täsirleri
Gadymy döwürlerden bäri halk lukmançylygynda şypaly ösümlik hökmünde giňden ulanylýan, dünýä ýurtlarynyň köpüsinde duş gelýän çopantelpek saglygymyz üçin örän peýdalydyr.
«Bejeriş binagärligi» hassalaryň ünsüni gussaly duýgulardan sowup, olarda ruhubelentlik döredýär
Ösümlikleriň, arassa howanyň, janly-jandarlaryň bejeriş ukyplary barada bilýän hem bolsak, binagärligiň şypa berijilik häsiýeti barada seýrek eşidilýär.
Gülli kelemiň peýdasy
Gülli kelemiň (brokkoli kelemi) watany gündogar Ortaýer deňzi sebiti hasaplanýar. Ol 2 ýyllyk ösümlik bolup, ýabany kelemden gelip çykýar. Häzirki wagtda hytaý, hindi, italýan, türk, fransuz, ispan we dünýäniň başga-da ýurtlarynyň aşhanalarynda giňden ulanylýar.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
