Türkmenistanyň we Ermenistanyň kitaphanaçylarynyň onlaýn maslahaty
24 dekabrda Türkmenistanyň Döwlet medeniýet merkeziniň Döwlet kitaphanasy bilen Ermenistanyň Milli kitaphanasynyň arasyndaky hyzmatdaşlyga badalga berildi.
Hormatly Prezidentimiz Gurbanguly Berdimuhamedow “Kitaphanalar ýurduň medeni-bilim taýdan ýeten derejesiniň, ilatyň intellektual taýdan ösüşiniň görkezijisidir” diýip nygtaýar hem-de halkymyzyň kitaba aýratyn ähmiýet berip, bu baýlyklara hemişe hormat bilen garandygyny belleýär.
Şu gün tejribe alyşmak boýunça onlaýn maslahat Türkmenistanyň döwlet kitaphanasynyň we ýurdumyzyň ähli welaýatlarynyň döwlet kitaphanalarynyň wekillerini hem-de Ermenistanyň Milli kitaphanasynyň işgärlerini jemledi. Umuman, kitaphana gaznalarynyň goraglylygynyň usulyýeti hem-de kitaplary abatlamagyň meseleleri, seýrek neşirleriň bitewi elektron katalogyny döretmek ýörelgeleri, şeýle hem kitap ýygyndylaryny sanlylaşdyrmak baradaky meseleler hakynda gürrüň edildi.
Häzir kitaphana işiniň ösdürilmegi bu ulgamyň beýleki ugurlary bilen bir hatarda hormatly Prezidentimiz Gurbanguly Berdimuhamedowyň üns merkezinde durýar. “Türkmenistanda Medeniýet ulgamyny ösdürmegiň 2019-2025-nji ýyllar üçin döwlet maksatnamasyna” laýyklykda, ýurdumyzda medeniýet we aň-bilim ulgamynyň edaralaryny kämilleşdirmek boýunça ähli çäreler görülýär.
Medeniýet ministrligine degişli merkezi kitaphanalarda öňdebaryjy tehnologiýalara we dünýäniň iň oňat tejribesine esaslanan bitewi elektron ulgam döredildi. Ýurdumyzyň kitaphanalarynyň işgärleriniň arasynda usulyýet okuwlary, okuw maslahatlar, sanly tehnologiýalary ulanmak arkaly olaryň işiniň netijeliligini artdyrmaga kömek edýän bäsleşikler yzygiderli geçirilýär.
Wideoduşuşygyň dowamynda iki ýurduň kitaphanaçylarynyň gyzykly we netijeli pikir alyşmalary boldy, her tarapdan hasabatlar diňlenildi. Soňra söhbetdeşlik “sowal-jogap” görnüşinde dowam etdi—kärdeşler Türkmenistanda hem-de Ermenistanda ulanylýan kitaphanaçylyk işiniň ösdürilmegine innowasion çemeleşmeler barada birek-birekden has anyk ýagdaýlary bilmäge mümkinçilik aldylar.
Bellenilişi ýaly, kitaphana däp boýunça bilimleriň saklanylýan ýeri hem-de medeniýetiň ojagy bolmak bilen, okyjylaryň döwrebap isleglerine kybap gelmelidir, olar bilen, şol sanda wirtual ýagdaýda işjeň gatnaşyk etmelidir. Şeýle gatnaşyga häzirki wagtda biziň gündelik durmuşymyzyň, işimiziň, boş wagtymyzyň, hat-habar alyşmagymyzyň, öz dünýägaraýşyňy we bilimiňi ösdürmegiň köp bölegi geçýär.
Foruma gatnaşyjylar mundan beýläk-de ýakyndan hyzmatdaşlyk etmegi maksat edinýändikleri barada pikirlerini aýtdylar.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy.
Ýerasty suw ýataklarynyň gor baýlygy artdyrylýar
«Türkmengeologiýa» döwlet korporasiýasynyň ýurdumyzyň welaýatlaryndaky gidrogeologiýa ekspedisiýalarynyň işgärleri halkymyzy gündelik arassa agyz suwy bilen üpjün etmek babatda möhüm işleri durmuşa geçirýärler. «Marygidrogeologiýa» ekspedisiýasynyň işgärleriniň alyp barýan işleri hem şunuň bir mysalydyr.
Türkmenistanyň erkin göreşçileri okuw-türgenleşik ýygnanyşyklaryny geçirdiler
2026-njy ýylyň awgust aýynda Mary we Aşgabat şäherlerinde erkin göreş boýunça geçirilen tapgyrlaýyn okuw-türgenleşik ýygnanyşyklary sport ussatlygyny ýokarlandyrmaga, tejribe alyşmaga hem-de pälwanlaryň geljekki ýaryşlara fiziki taýýarlygyny pugtalandyrmaga gönükdirildi.
