Suwda ýüzmek adam üçin iň peýdaly sportdygyny yzygiderli tejribeler arkaly subut etdiler. Tejribeleriň netijelerine görä, 32 ýylyň dowamynda yzarlanan 20-90 ýaş aralygyndaky 40 müňden gowrak erkek adamlaryň üstünde geçirilen gözlegde ylgawçylara we ýöremegi halaýanlara garanyňda, ýüzüjileriň ölüm howpy 50% pesdi.

Günorta Karolina uniwersitetiniň professory Stiwen Bleýr ýüzmegiň ýürek-damar ulgamynyň fiziki ýadowlyga garşy durmak ukyby bolup, çydamlylygy ýokarlandyrmak üçin ýöremekden has gowudygyny anyklady. Sportyň bu görnüşiniň ähli ýönekeý adamlar hem-de yzygiderli keselleýänler üçin amatlydygyny belläp geçdi.Garwar uniwersitetiniň lukmançylyk professory Aý Ming Li, ýüzmek artritden ejir çekýän ýa-da akyl ýagdyny gowulaşdyrmak isleýän her bir adama maslahat berilýän “iň oňat türgenleşik” diýip atlandyrdy. Garwardly alymlar ýüzmegiň adam saglygyna ýetirýän täsirini ençeme ýyl bäri öwrenýärler. 2016-njy ýylda yzygiderli suwda ýüzmek maşklaryny ýerine ýetirmek ýürek-damar kesellerinden ölüm howpuny 41% azaldyp biler diýen netijä geldiler.

Serdar SOPYÝEW,

Türkmen oba hojalyk institutynyň mugallymy.