«AssA» – nebitçiler şäheriniň döredijilik topary
«AssA» topary türkmen nebitçileriniň paýtagty Balkanabat şäheriniň meşhur döredijilik toparlarynyň biri bolup, ol tans sungatynyň höwesjeň zehinli ýaşlaryny birleşdirýär. Toparyň baý mazmunly sahna gorunda dünýä halklarynyň tanslary bar.
2022-nji ýylda hususy tans topary özüniň 10 ýyllygyny belledi. Şol döwrüň içinde «AssA» toparynyň düzümi üýtgemedi, onuň ruhlandyryjysy we üýtgewsiz ýolbaşçysy Tamara Daurowa öz işiniň ussady bolup durýar.
Häzir toparyň 70-e golaý tansçysy bolup, olar üç ýaşdan başlap, on sekiz ýaşyna ýeten oglanlar we gyzlardyr. Kiçi, orta we uly toparlardan ybarat bolan üç toparyň hökmany iş şerti gyzlaryň we oglanlaryň aýratynlykda geçirilýän taýýarlyk işleri bolup durýar. Şunda bu ýörelge olaryň bilelikdäki çykyşlaryny aradan aýyrmaýar.
Ýaş tansçylar dürli sahnalarda çykyş edýärler. Baýramçylyklara we şanly senelere bagyşlanan konsertler indi däbe öwrüldi. «AssA» topary ata Watanymyzyň Garaşsyzlyk gününe, 8-nji mart — Halkara zenanlar gününe, Ýeňiş gününe, Çagalary goramagyň halkara gününe we elbetde, Täze ýyla bagyşlanan ajaýyp çykyşlary taýýarlaýar. Tans toparyny halk döredijiligine bagyşlanyp, dürli çäreleriň geçirilýän ýeri bolan welaýat muzeýine hem yzygiderli çagyrýarlar.
Toparda diňe bir döredijilik däl-de, eýsem, terbiýeçilik işleri hem geçirilýär. «AssA» toparynyň agzasy bolmak isleýän ýaşlar örän köp, emma olara bildirilýän hökmany talaplaryň hatarynda okuwda üstünlikli bilim almak bolup durýar. «Biz çagalara tans öwredip, olary sungat dünýäsine çekmek bilen çäklenmän, eýsem, olarda jogapkärçilik, maksada okgunlylyk, berdaşlylyk we zähmetsöýerlik ýaly häsiýetleri hem terbiýeleýäris» diýip, Tamara Bekowna gürrüň berýär. Toparyň uçurymlary ýolbaşçynyň kömekçileri bolup, öz ukyp-başarnyklaryny we tansa bolan söýgüsini «AssA» toparynyň häzirki agzalaryna geçirýärler.
Tamara Bekownanyň atlandyryşy ýaly, toparyň öz «ýyldyzjyklary», «uçgunjyklary» hem bolup, oglanlaryň we gyzlaryň hemmesi şolardan görelde alýarlar. Nataşa Kobelewa, Merýem Mansurowa, Temimdar Ramaldanow, German Myradow, doganlar Aly we Muhammet Amanklyçewler dürli ýaş toparlaryna girip, milli hem-de beýleki tanslarda ussatlarça çykyş etmek bilen toparyň özenini düzýärler.
Toparyň agzalarynyň köpüsi eýýäm dürli ugurlarda zähmet çekýärler, goşunda gulluk edip ýörenleri bar, ýokary okuw mekdeplerinde bilim alýarlar, emma öýlerine gaýdyp gelenlerinde hökman öz medeni ojagyna — tans sungatynyň şatlygyny, şeýle hem kaddy-kamat we oňat gylyk-häsiýet peşgeş beren tans toparyna gelip görýärler.
Ýaş tansçylar abraýly döredijilik bäsleşikleriniň ýeňijileri bolmagy arzuw edýärler. Biz hem olara sungatda täze üstünlikleri gazanmagy hem-de öňde goýan maksatlaryna ýetmegi arzuw edýäris, munuň üçin bolsa, olarda hem zehin bar, hem zähmetsöýerlik we uly höwes bar.
Leýli AŞYROWA,
Ussatnews.com.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
