Tennisiň peýdasy
Tennis sportuň iň meşhur görnüşleriniň biridir. Sportuň bu görnüşi bilen meşgullanýan adamlaryň sany günsaýyn artýar. Tennis diňe bir fiziki saglyga oňyn täsir etmän, eýsem, adamyň psihologiýasyna netijeli täsir edip, ruhy taýdan kuwwatlandyrýar. Oýun wagtynda ynsanyň bedeniniň ähli myşsalary diýen ýaly hereketde bolýar, ol ýeňşe, üstünlige bolan höwes-hyjuwyňy artdyrýar.
Lukmanlaryň bellemegine görä, tennis ýürek-damar ulgamynyň işjeňligine oňyn täsir edýär, dem alyş ulgamynyň işini kadalaşdyrýar, beden agzalarynyň kislorod bilen üpjünçiligini ýokarlandyrýar, immuniteti berkidýär. Psihologlar fiziki we psihologiki dartgynlyklara garşy tennisi netijeli serişde hökmünde maslahat berýärler. Şeýle-de, sportuň bu görnüşi bilen meşgullanmak artyk agramdan saplanmaga ýardam edýär.
Tennis ýaşlaryň düzgün-tertibe eýermek endiklerini ösdürip, ünslüligi, düşbüligi ýokarlandyrýar. Şeýle-de, sportuň bu görnüşi bilen meşgullanýan çaganyň aňy, logiki pikirlenişi, çalt netije çykarmak ukyby ösýär, psihologiki, özerklilik ukyplary kämilleşýär. Tennis köp hereketi talap edýän sport görnüşi bolansoň, daýanç-hereket ediş, ýürek-damar ulgamlarynda näsazlyklary bolan adamlara maslahat berilmeýär.
Hünärmenler çagalary tennis bilen meşgullanmaga 3-5 ýaş aralygynda uýgunlaşdyrmagy maslahat berýär. Bu sportda göni galtaşma ýoklugy sebäpli, şikes almak howpy hem pes hasaplanýar. Tennis esasan aýak we oňurga myşsalarynyň berk hem-de çeýe bolmagyny üpjün edýär. Oýnuň gyzykly we özüneçekijiligi, tizden-tiz üýtgäp durmagy nerw ulgamyny türgenleşdirýär.
Taýýarlan Daýanç ÖWEZOW,
Döwletmämmet Azady adyndaky Türkmen milli dünýä dilleri institutynyň talyby.
Emosiýanyň adam saglygyna täsiri
Emosiýa — bu adamyň içki duýgularynyň, pikirleriniň we daşky ýagdaýlara bolan reaksiýasynyň ýüze çykmasydyr. Adam gündelik durmuşynda dürli görnüşli emosiýalary başdan geçirýär: şatlyk, gynanç, gahar, gorky, alada, buýsanç, söýgi we beýlekiler.
Aýdym-saz täsin güýçdür
Çaganyň şahsyýet bolup kemala gelmeginde, dünýägaraýşynyň baýlaşmagynda we içki dünýäsiniň sazlaşykly ösmeginde aýdym-saz terbiýesiniň orny örän uludyr. Saz çaganyň kalbyna, aň-düşünjesine we emosional ýagdaýyna gös-göni täsir edýän, ony gözelliklere ugrukdyrýan täsirli guraldyr. Kiçi ýaşly çagalar daşky gurşawy has ir we duýgur kabul edýärler, şonuň üçin hem çagalar bagynda berilýän ilkinji aýdym-saz sapaklary olaryň geljekki durmuşynyň manyly bolmagynda möhüm binýat bolup hyzmat edýär.
Çepbekeýler adaty bolmadyk çemeleşmeleri tapýarlar
Donald Kostello işewürlik kollejiniň amerikan alymlary tarapyndan geçirilen täze gözleg çep eliň hünär kämillikde we baýlyga ýetmekde möhüm esas bolup biljekdigini görkezýär.
Bagbançylygyň ähmiýeti
Gözlegleriň netijesi bagbançylygyň adam beýnisine we bedenine oňyn täsir edýändigini görkezdi.
Aýdym aýtmak – saglygyňy berkitmek
Gadymyýetden bäri adamlar öz sesiniň güýji bilen saglygyny dikeldip bilipdirler. Aristotel we Pifagor akyl taýdan bozulmalary bejermekde aýdym aýtmagy maslahat beripdirler.
