Öňdebaryjylaryň netijeli işleri
Bu burawlaýjylar toparynyň agzalarynyň atlary diňe bir «Lebapnebitgazgözleg» ekspedisiýasynda däl, eýsem, tutuş «Türkmengeologiýa» döwlet korporasiýasynda hem öňdebaryjylaryň hatarynda hormat bilen agzalýar. Munuň özi ýöne ýerden däldir. Biziň aşakdaky ýazgylarymyz hem bu öňdebaryjy toparyň agzalarynyň alyp barýan tutumly işleri, olaryň ýolbaşçysy, umumy işe mynasyp goşant goşýan adamlar hakynda bolar.
Bu topara buraw desgasynyň başlygy Halmyrat Rozyýew başarjaňlyk bilen ýolbaşçylyk edýär. Tejribeli ýolbaşçy uzak ýyllaryň dowamynda Watanymyzyň ösüşlerine goşýan saldamly goşandy, ak ýürekden çekýän halal zähmeti üçin «Türkmenistanyň Garaşsyzlygynyň 20 ýyllygyna» medaly bilen sylaglandy. Şonda Halmyrat döwlet sylagyny diňe bir şol döwre çenli bitiren işlerine berlen mynasyp baha hökmünde kabul etmändi. Bu ýokary sylag onda geljekde has yhlasly we maksada okgunly zähmet çekmek höwesini hem döredipdi.
Geçen ýyllarda Halmyradyň ýolbaşçylyk edýän burawlaýjylary ýurdumyzyň geljegi uly meýdançalarynda netijeli zähmet çekdiler, uglewodorod serişdeleriniň baý ýataklarynyň üstüni açdylar. Olaryň häzirki iş ýerleri bolsa Hazaryň kenaryndaky Uzynada meýdançasynda. Bu meýdança indi birnäçe ýyldan bäri gözleg-buraw işleriniň giňden alnyp barylýan ýerleriniň biridir. Özi-de Uzynadada ýurdumyzda ilkinji gezek iň çuň guýular burawlanypdy. Şeýle möhüm we jogapkärli işiň hut Halmyrat Rozyýewiň ýolbaşçylyk edýän toparynyň agzalaryna ynanylmagy-da olaryň ýokary başarnygyna we hünär ussatlygyna berlen mynasyp baha bolupdy. Şunlukda, korporasiýada ilkinji gezek ene ýeriň ýedi müň metre golaý çuňlugyna ýetildi we nebitdir gaz kondensatynyň senagat akymy alyndy. Geçen ýyllarda topar tarapyndan bu meýdançada şeýle guýularyň ikisi burawlandy we olardan çig malyň bol akymy alyndy.
— Biz häzirki günlerde Uzynadada taslama çuňlugy 6800 metre barabar bolan 16-njy gözleg guýusyny burawlamak işini üstünlikli alyp barýarys. Şu döwre çenli 5 müň metrden gowrak çuňluk burawlandy. Biz möhüm işleri bellenilen möhletinde, talabalaýyk tamamlamak üçin ähli tagallalary edýäris — diýip, Halmyrat Rozyýew ynam bilen aýdýar.
Möhüm işde tutanýerli zähmet çekmegiň mynasyp göreldesini görkezýänleriň arasynda buraw ussalary Myrat Joraýewiň, Yslam Soltanowyň, burawlaýjylar Alym Dathudaýewiň, Nurgeldi Ýazowyň, Döwlet Täçmyradowyň, inžener Umytjan Mustakowyň, burawlaýjynyň kömekçisi Annamyrat Gurbangeldiýewiň atlary ilkinjileriň hatarynda agzalýar. Olaryň nusgalyk göreldesi kärdeşleri tarapyndan giň goldawa-da eýe bolýar. Şonuň netijesinde işler barha ilerleýär, arzyly sepgit barha golaýlaýar.
Mämmetgylyç KÜTIÝEW,
Ussatnews.com.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
