Şahym Abdrahmanow Türkmenistanyň Ministrler Kabinetiniň Başlygynyň orunbasary wezipesine bellendi

Habarlar

Şahym Abdrahmanow Türkmenistanyň Ministrler Kabinetiniň Başlygynyň orunbasary wezipesine bellendi

15:42 12.02.2021

https://www.ussatnews.com/storage/posts/722/original-16026a1f78aeaa.png

Türkmenistanyň Prezidentiniň

PERMANY

Ş.ABDRAHMANOW hakynda

Şahym Abdrahmanowy Türkmenistanyň Ministrler Kabinetiniň Başlygynyň orunbasary wezipesine belläp, ony Halkara nebit we gaz uniwersitetiniň rektory wezipesinden boşatmaly.

Türkmenistanyň Prezidenti Gurbanguly BERDIMUHAMEDOW.

Aşgabat şäheri, 2021¬nji ýylyň 11¬nji fewraly.

Şahym ABDRAHMANOW

1963-nji ýylda Mary welaýatynyň Garagum etrabynyň “Ýagtyýol” geňeşliginde doguldy. Ýokary bilimli. 1986- njy ýylda Türkmen döwlet binagärlik-gurluşyk institutyny tamamlady. Hünäri boýunça — dag inžener-geology.

1986-njy ýylda “Türkmengeologiýa” döwlet korporasiýasynyň nebit gözleg ekspedisiýasynyň inžener- tehniki gullugynyň geology bolup zähmet ýoluna başlady. 1987 — 2005-nji ýyllar aralygynda şu korporasiýada dürli wezipelerde işledi.

2005-2006-njy ýyllarda “Türkmennebit” döwlet konserniniň “Ýaşyldepe” nebitgaz çykaryjy müdirliginiň baş geology bolup zähmet çekdi. 2006 — 2014-nji ýyllar aralygynda “Türkmengeologiýa” döwlet korporasiýasynyň “Lebapnebitgazgözleg” müdirliginiň başlygy, 2014 — 2017-nji ýyllarda “Türkmengeologiýa” döwlet korporasiýasynyň “Marynebitgazgözleg” müdirliginiň başlygy boldy.

2017-nji ýyldan 2020-nji ýyla çenli “Türkmengeologiýa” döwlet korporasiýasynyň başlygy bolup işledi.

2020-nji ýylyň iýul aýyndan bäri Halkara nebit we gaz uniwersitetiniň rektory.

“Türkmenistanyň Bitagraplygynyň 25 ýyllygyna” atly ýubileý medaly bilen sylaglanyldy.

Başga habarlar

«Nebit-gaz» gazetiniň 15 ýyllygy dabaraly bellenildi

«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.

«Ýaş tebigatçy» jemgyýetçilik guramasy intellektual bäsleşige çagyrýar!

16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.

Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy

Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy.

Ýerasty suw ýataklarynyň gor baýlygy artdyrylýar

«Türkmengeologiýa» döwlet korporasiýasynyň ýurdumyzyň welaýatlaryndaky gidrogeologiýa ekspedisiýalarynyň işgärleri halkymyzy gündelik arassa agyz suwy bilen üpjün etmek babatda möhüm işleri durmuşa geçirýärler. «Marygidrogeologiýa» ekspedisiýasynyň işgärleriniň alyp barýan işleri hem şunuň bir mysalydyr.

Türkmenistanyň erkin göreşçileri okuw-türgenleşik ýygnanyşyklaryny geçirdiler

2026-njy ýylyň awgust aýynda Mary we Aşgabat şäherlerinde erkin göreş boýunça geçirilen tapgyrlaýyn okuw-türgenleşik ýygnanyşyklary sport ussatlygyny ýokarlandyrmaga, tejribe alyşmaga hem-de pälwanlaryň geljekki ýaryşlara fiziki taýýarlygyny pugtalandyrmaga gönükdirildi.