ÝÜZ DERDIŇ DERMANY
23:52 16.04.2021
Türkmen topragy dermanlyk ösümliklere diýseň baý hasaplanýar. Ýurdumyzyň daglarynda, çöllerinde ösýän bu baýlyklaryň adam üçin peýdasy örän uludyr. Şeýle dermanlyk ot-çöpleriň hatarynda üzärlik hem bardyr.
Hormatly Prezidentimiziň “Türkmenistanyň dermanlyk ösümlikleri” atly ylmy-ensiklopedik işinde üzärligiň peýdaly häsiýetleri dogrusynda gymmatly maglumatlar berilýär. Şeýle-de, bu kitapda ösümligiň häsiýeti, düzümi, peýdalanyşy barada gyzykly we gerekli maglumatlar bar. Halkymyzyň asyrlarboýy ulanyp gelýän üzärligi häzirki günlerde durmuşda we lukmançylykda giňden ulanylýanlygy bilen beýleki ösümliklerden aýratyn tapawutlanýar.
Üzärligiň gülüniň, baldagynyň, dänesiniň hat-da köküniň hem dermandygy barada lukmanlar tasyklaýarlar. Halk arasynda üzärligiň her dürli atlandyrylyşy bar. “Ýüzärlik”, “Üsbent”, “Yzbent” ýaly dürlüçe atlandyrylýan bu ösümligi halkymyz dürli maksatlarda giňden ulanýar. Ata-babalarymyz üzärligi çogdamlap gapysyndan asyp goýupdyrlar. Her bir türkmen öýüne barsaň bir desse üzärligi görmek bolýar.
Halkymyz däp-dessurlarymyza eýerip, täze gelin öýe girmänkä ýa-da täze jaýa göçülende üzärligi ýakyp, onuň tüssesini tüsseledipdirler. Beýle edilmegiň sebäbine ýaman gözden, dürli bela-beterlerden goraýar diýlip düşünilipdir. Häzirki döwürde üzärlik lukmançylykda Diýarymyzyň ähli şypahanalarynda giňden ulanylýar.
Aýlar ATAJYKOWA,
Türkmenistanyň Daşary işler ministrliginiň
Halkara gatnaşyklary institutynyň talyby.
Täze gözýetimleri nazarlaýan gidrogeologlar
«Türkmengeologiýa» döwlet korporasiýasynyň Daşoguz gidrogeologiýa ekspedisiýasynyň agzybir agzalary Arkadag Serdarly bagtyýar ýaşlar ýylyny üstünlikli jemlemek bilen, 2024-nji ýylyň işlerine guramaçylykly girişdiler.
Türkmenistanyň Prezidenti Serdar Berdimuhamedow: «Ylym, bilim we halkara hyzmatdaşlyk ýurduň ähli pudaklarynyň ösüşine itergi bermelidir»
Nebitgaz senagaty üçin ýokary hünär derejeli işgärleri taýýarlamak esasy wezipeleriň biri bolup, geljekde Türkmenistanyň milli ykdysadyýetiniň ösüşi şol wezipäniň çözgüdine baglydyr.
Bagtyýarlyk döwrüniň teatr sungaty
Berkarar döwletiň täze eýýamynyň Galkynyşy döwründe ýurdumyzyň medeniýet ulgamyny kämilleşdirmek Arkadagly Gahryman Serdarymyzyň durmuş ugurly syýasatlarynyň ileri tutulýan ugurlarynyň biridir.
Eserleri — ruhy hazyna
Magtymguly Pyragy türkmeniň ruhy sütünleriniň biridir. Akyldaryň döwredijiligi halkymyzyň durmuşynda we terbiýe mekdebinde mynasyp orun eýeleýär.
Gaz akdyryjylaryň rowaçly gadamlary
«Türkmengaz» döwlet konserniniň «Türkmengazakdyryş» birleşiginiň «Daşoguzgazakdyryş» müdirliginiň gazçylary «Döwletabat — Derýalyk» ugry boýunça türkmen gazynyň dünýä bazaryna çykarylmagy ugrunda hem-de ýurdumyzyň demirgazyk welaýatynyň ilatynyň gymmatly «mawy ýangyç» bilen ýokary derejede üpjün edilmegi babatda nusgalyk işleri alyp barýarlar.