SUW ARASSALAÝJYLARYŇ GOŞANDY
Ýurdumyzda uglewodorod çig malynyň çykarylyşynyň artdyrylmagyna «Türkmengaz» döwlet konserniniň iri we öňdebaryjy önümçilik düzümi bolan
«Marygazçykaryş» müdirliginiň gazçylary mynasyp goşantlaryny goşýarlar. Munuň özi müdirligiň gazçylary bilen olara durmuş taýdan hyzmat edýän edaranyň işgärleriniň bir maksat ugrunda agzybirlikli çekýän zähmetiniň miwesidir. Çünki edaranyň suw, bug üpjünçilik sehiniň suw arassalaýjy desgalarynyň işgärleri müdirligiň edara-kärhanalaryny ýylyň bütin dowamynda arassalanan suw bilen bökdençsiz üpjün edýärler.
«Hanhowuz» suw arassalaýjy desgasy sehiň iň baýry kärhanasydyr. Kärhananyň önümçilige girizilmegi mundan ýarym asyrdanam köpräk wagt ozal Gündogar Şatlyk hem-de Günbatar Şatlyk gaz känleriniň senagat taýdan özleşdirilip başlanylan döwri bilen pugta baglanyşyklydyr. Şu geçen döwür içinde suw arassalaýjy desga «Marygazçykaryş» müdirliginiň ýokarda ady agzalan gaz känlerini, olaryň gaz toplaýjy önümçilik nokatlaryny arassalanan suw bilen ýeterlik möçberde üpjün edip gelýär. Desganyň kuwwatly suw geçirijisiniň uzynlygy elli dört müň sekiz ýüz metre deňdir. Elbetde, uzak ýyllaryň dowamynda saz, durnukly işledilip, geçiriji arkaly suwuň ýeterlik möçberiniň akdyrylmagynyň üpjün edilmeginde kärhananyň tejribeli hem ýaş işgärleriniň her biriniň mynasyp goşandynyň bardygyny aýtmak gerek. Kärhananyň suw göteriji hem-de suw sorujy enjamlarynyň maşinistleri Bäşim Abdyýew, Ata Nursähedow, Muhammet Mommyýew, Süleýman Baýramow, enjamlary bejerijiler Begenç Çaryýew, Maksatgeldi Garryýew we beýlekiler geçirijiniň ugrunda, bellenilen meýilnama laýyklykda, bejeriş-abatlaýyş işlerini ýokary hilli geçirýärler.
Hünärmenlerdir işçileriň ýigrimi dördüsiniň zähmet çekýän ýeri bolan bu kärhanada iş wahtalaýyn usulda — iki iş çalşygynda alnyp barylýar. Desga suw Garagum derýasyndan getiriji akaba arkaly getirilýär. Şonda suw tebigy usulda belli bir derejede durlanýar. Suw birinji suw göteriji enjam arkaly ikinji suw göteriji enjama berilýär we şondan göwrümi iki müň kub metr bolan suw saklaýjy hem durlaýjy howza akdyrylýar. Howuzda bildirilýän talaplara laýyk birkemsiz durlanan suw soňra geçiriji arkaly sarp edijilere ugradylýar. Arassalanan suwuň sarp edijilere ýetirilişi kärhananyň işgärleri tarapyndan gije-gündiziň dowamynda pugta gözegçilikde saklanylýar. Häzirki wagtda suw desgasy diňe bir «Marygazçykaryş» müdirliginiň gaz desgalaryny däl, eýsem, «Gündogargazakdyryş» müdirliginiň «Döwletabat — Derýalyk» baş gaz geçirijisiniň ugrunda ýerleşýän «Şatlyk» önümçilik edarasyny-da arassalanan suw bilen üpjün edýär.
— Tomus pasly sarp edijiler tarapyndan suwuň köp sarp edilýän döwri. Şoňa görä, kärhanamyzyň işgärleri suw sorujylary, suw göterijileri tehniki taýdan pugta gözden geçirip, enjamlary jogapkärli döwre birkemsiz taýýarladylar. Bellenilen iş meýilnamasyna laýyklykda, suw geçirijiniň degişli ýerlerinde bejeriş-abatlaýyş işleri ýerine ýetirildi. Geçirijiniň on sekizinji kilometrliginden ýigrimi iki kilometrligine çenli bir müň bir ýüz metr aralygynda ulanyş möhleti geçen turbalara derek göwrümi 377 millimetr bolan täze turbalar gurnaldy. Geçirijiniň ýigrimi bäşinji kilometrliginiň bolsa bir ýüz elli metrliginde durkuny täzelemeklige degişli bolan turbalara derek göwrümi 377 millimetr bolan turbalar kebşirlenilip goýuldy. Mundan daşary suw geçirijiniň degişli ýerlerine bejeriş işleri geçirildi. Meýilnama laýyklykda, şu we beýleki iş çäreleri şu ýylyň tomus paslynda sarp edijileri arassalanylan agyz suw bilen bökdençsiz üpjün etmegimize şert döreder — diýip, «Hanhowuz» suw arassalaýjy desgasynyň uly ussasy Maksatgeldi Garataýew gürrüň berýär.
SAGDYNLYGYŇ WE RUHUBELENTLIGIŇ NUSGASY
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan – bedew batly at-myradyň mekany» ýylynda ýurdumyzda bedenterbiýäni we sporty ösdürmek, ýaş nesilleriň arasynda sagdyn durmuş ýörelgesini wagyz etmek döwlet syýasatynyň ileri tutulýan ugurlarynyň birine öwrüldi.
Amyderýa döwlet tebigy goraghanasynda eko-syýahat guraldy
Amyderýa döwlet tebigy goraghanasynda ýaşlaryň gatnaşmagynda iki günlük eko-syýahat çäresi geçirildi. Bu çäre “Ýaş tebigatçy” jemgyýetçilik guramasy tarapyndan, BMG-niň Ösüş Maksatnamasynyň we Global ekologiýa gaznasynyň «Köp sanly bähbitleriň alynmagy üçin Aral deňziniň giňişliginde ýer serişdelerini we ýokary tebigy gymmatlygy bolan ekoulgamlary gorap saklamak we durnukly dolandyrmak» taslamasynyň çäklerinde guraldy.
Bütindünýä saglyk güni mynasybetli ylmy-amaly maslahat geçirildi
Her ýylyň 7-nji aprelinde ýurdumyzda giňden bellenilýän Bütindünýä saglyk güni mynasybetli, Myrat Garryýew adyndaky Türkmenistanyň Döwlet lukmançylyk uniwersitetinde «Ekologiýa abadançylygy — eşretli ertiriň kepili» atly ylmy-amaly maslahat geçirildi.
Türkmenistanyň nebitgaz toplumynda üç aýyň jemlerine garaldy
4-nji aprelde Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen üç aýynda ýerine ýetirilen işleriň jemine bagyşlanan hasabat ýygnagy geçirildi.
Nusaý galasynda gezelenç talyp ýaşlarda milli buýsanjy artyrdy
Talyp ýaşlary Watançylyk ruhunda terbiýelemek maksatly yzygiderli guralýan medeni çäreleriň çäklerinde bu gün Halkara senagatcylar we telekeçiler uni wersitetiniň professor-mugallymlarynyă we talyp ýaşlarynyă gatnaşmagynda Nusayyň Parfiýa galalary döwlet medeni-taryhy ýadygärligine gezelenç guraldy.
