Senedim bar — sarpam bar
Asyrlar aşa ýetmiş iki dürli saz guralyny döreden türkmen halky üçin beýleki saz gurallary bilen bir hatarda dutaryň orny has üýtgeşik bolupdyr. Türkmen dutary diňe bir toý-baýramlarymyzyň däl, eýsem, gündelik durmuşymyzyň, öý hojalygymyzyň hem bezegidir. Ol türkmeniň şatlykly, hasratly günleri hem ýanynda bolupdyr. Göwün hoşy bolup, ýüregine dolupdyr. Onda döredilen nusgawy mukamlarda halkymyzyň giden bir taryhy, medeni durmuşynyň özboluşlylygy ýaşaýar.
— Aslynda, nebitgaz pudagynda zähmet çeksem-de, esasy işimiň daşyndan dutar ýasamaga uly yhlas siňdirýärin. Bu senede söýgi döremeginde kakamyň we agamyň uly ornunyň bardygyny aýdasym gelýär. Sebäbi çagalyk ýyllarymda kakam her gün diýen ýaly eli boşaşdygy dutarda saz çalardy, ony elinden düşürmezdi. Ejem hem kakamyň çalan sazlaryna maýyl bolar oturardy. Bara-bara bu goşa tarly gudrata bolan söýgi meniň gursagyma guýuldy gitdi. Ýanýoldaşym Jahan hem aýdym-sazyň aşygy.
Agam Babageldi Orazmuhammedowyň bäş ýaşymda dutar sowgat etmegi bolsa mende bu saz guralyna bolan söýgini has hem güýçlendirdi. Soňabaka şeýdip Aşgabatda talyp ýyllarymda ondan dutar ýasamagyň inçe syrlaryny, ýollaryny öwrendim. Häzirki wagta çenli ululy-kiçili 300-den gowrak dutary ýasap, il-günümiziň, ussat bagşydyr sazandalaryň hyzmatyna ýetirdim. Gyzym Aýgül hem dutarda saz çalmaga, oglum Atamyrat bolsa ony ýasamaga uly höwes bildirýärler. Bu sungatyň syrlaryny ele almaga çalyşýarlar.
Ýaňy-ýakynda dutar ýasamak, dutarda saz çalmak we bagşyçylyk sungatynyň ÝUNESKO-nyň Adamzadyň maddy däl medeni mirasynyň sanawyna girizilendigi hakyndaky güwanamanyň ýurdumyza gelip gowuşmagy halkymyzyň, şol sanda dutar ussalarynyň hem göwün guşuny ganatlandyrdy. Meniň hem bu senedi dabaralandyrmaga goşan ujypsyzja goşandym ünsden düşürilmän, çeken köpýyllyk zähmetime ýokary baha berlip, «Çeper döredijiligiň halk ussasy» adyna mynasyp görülmegim türkmen dutaryna we ony ýasaýan ussalara goýulýan belent sarpadan habar berýär. Işden boş wagtlarym zawodlar toplumymyzyň medeni merkezinde egindeş kärdeşlerim bilen bu ýerdäki ähli işgärlere ruhy lezzet bermek üçin geçirilýän dürli konsertlerde çykyş edýäris.
Hormatly Prezidentimize dutar ussalaryna bildirýän ýokary ynamy, beren Şa serpaýy üçin köp-köp sagbolsun aýdýarys — diýip, Türkmenbaşydaky nebiti gaýtadan işleýän zawodlar toplumynyň esasy dolandyryş işgärleriniň düýpli gurluşyk bölüminiň taslamalary düzmek boýunça baş hünärmeni, dutar ussasy, «Çeper döredijiligiň halk ussasy» diýen adyň eýesi Orazmuhammet Orazmuhammedow ýürek buýsanjyny beýan edýär.
Nowruz GÜÝJOW,
«Altyn Asyr: Türkmenistan» teleýaýlymynyň gepleşikleri gurnaýjy we taýýarlaýjysy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
