«Gara altynyň» goşmaça tonnalary
«Türkmennebit» döwlet konserniniň «Nebitgazdüýpliabatlaýyş» trestiniň guýulary düýpli abatlaýyş müdirlikleri şu günler iş depginlerini barha ýokarlandyrýarlar. Muňa geçen hasabat döwründe önüm bermesini kemelden ýa-da bütinleý bes eden guýulary düýpli abatlap, täzeden hatara goşmakda bitirilen işler hem şaýatlyk edýär. Has takygy, gürrüňi edilýän dört aýda bu müdirlikleriň zähmet toparlary 26,3 müň tonna derek 42,3 müň tonnadan hem gowrak «gara altynyň» goşmaça çykarylmagyny gazandylar. Şonuň ýaly-da, geçen hasabat döwründe tutuş trest boýunça 219 sany guýuda düýpli abatlaýyş işleri üstünlikli amala aşyrylyp, olaryň 175-si önümçilikçilere tabşyryldy. Bu görkeziji bellenilen meýilnamadan 30 sany guýynyň artykdygyny aňladýar. Geçen döwür içinde gazanylan bu ajaýyp üstünliklere Gamyşlyja, Barsagelmez, Goturdepe guýulary düýpli abatlaýyş müdirlikleriniň hünärmenleri has-da saldamly goşant goşdular. Gamyşlyja guýulary düýpli abatlaýyş müdirliginiň hünärmenleriniň 2 müň tonnadan hem gowrak «gara altynyň» goşmaça alynmagyny üpjün edendiklerini bolsa aýratyn nygtamak gerek.
«Türkmennebit» döwlet konserniniň önümçilik düzümleri Berkarar döwletiň täze eýýamynyň Galkynyşy döwrüniň ilkinji ýylyny oňat netijelere beslemek üçin şu günler has-da tagallaly zähmet çekýärler. Bu bolsa, öz gezeginde, nebitgaz ulgamyny ähli taraplaýyn ösdürmegiň gündelik we geljek döwür üçin maksatnamasyny üstünlikli ýerine ýetirmäge aýgytly täsirini ýetirýär. Konsern öz düzüminde esasy we ýardam beriji kärhanalaryň onlarçasyny jemlemek bilen, nebiti, tebigy we ugurdaş gazy, gaz kondensatyny çykarmak, gözleg-agtaryş we ulanyş burawlaýşyny, ýangyç geçirijilerini, nebitgaz önümçiliklerini, gaz gysyjy desgalaryny hem-de gaz bölüji abzallaryny gurmak, oturtmak we abadanlaşdyrmak, guýularda ýerasty we düýpli abatlaýyş ýaly işleriň onlarçasyny talabalaýyk ýola goýmak üçin bar bolan mümkinçilikleri netijeli peýdalanmagy başarýar.
Döwletimiz tarapyndan berilýän yzygiderli hemaýat-goldawlar netijesinde konserniň esasy we ýardam beriş düzümlerine degişli kärhanalary dünýäniň öňdebaryjy öndürijileri bolan Germaniýanyň, Amerikanyň Birleşen Ştatlarynyň, Hytaýyň, Russiýa Federasiýasynyň nebitgaz senagatyna ýöriteleşdirilen täze, has kuwwatly tehnikalarydyr desgalary, kämil tilsimatlarydyr enjamlary bilen üpjün edildi. Guýy gazyjylar ýedi müň metre çenli dag jynslaryny gazmaga ukyply bolan Germaniýanyň «Bentek», Hytaýyň «ZJ-70DS», Russiýanyň «Uralmaş» kysymly burawlaýjy desgalaryny, guýulary düýpli abatlaýjylar ýük göterijiligi 80 tonnadan
120 tonna çenli bolan desgalary edindiler. Daşary ýurtlaryň kämil desgalaryna başarjaň erk edýän guýulary düýpli abatlaýyş müdirlikleriniň hünärmenleriniň gaýtadan hatara goşan guýularyndan şu ýylyň geçen hasabat döwründe tutuş trest boýunça 11,3 million kubmetre golaý «mawy ýangyjyň» goşmaça çykarylandygyny hem aýratyn nygtamak gerek. Bu ugurda gazanylan üstünligiň ählisi Gamyşlyja guýulary düýpli abatlaýyş müdirliginiň paýyna düşýär.
Hojaberdi BAÝRAMOW,
Ussatnews.com.
Türkmenistan energohowpsuzlygyň esasy kepillendirijisi derejesini berkidýär
21-23-nji oktýabrda Aşgabat “Türkmenistanyň nebiti we gazy – OGT 2026” atly 31-nji Halkara maslahatyny we sergini kabul etmek bilen, dünýäniň energetika dialogynyň merkezine öwrüler. Otuz ýyldan gowrak wagtyň dowamynda bu forum daşary ýurtly hyzmatdaşlar bilen hyzmatdaşlygy ösdürmek üçin baş meýdançanyň derejesini üýtgewsiz tassyklap gelýär.
Halk Maslahatynda Türkmenistanyň ýangyç-energetika toplumyny ösdürmegiň ugurlary kesgitlenildi
23-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň mejlisi giň gerimli özgertmeleriň netijelerini jemledi hem-de ýurdumyzy durmuş-ykdysady we senagat taýdan ösdürmegiň möhüm wezipelerini kesgitledi.
Gahryman Arkadagymyz TOPH gaz geçirijisiniň owgan böleginiň gurluşygyny çaltlandyrmagyň esasyny kesgitledi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 10-njy awgustda Owganystana amala aşyran taryhy iş sapary ikitaraplaýyn gatnaşyklary ösdürmekde möhüm waka boldy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
