Musulman dünýäsiniň mukaddes baýramy
Musulman dünýäsinde belli baýramlaryň içinde iki sany baýram iň uly baýramçylyk hasaplanýar. Olaryň biri “Оraza” baýramy, ikinjisi bolsa “Gurban” baýramydyr. Bu baýram Pygamberimiz Muhammet aleýhissalamyň döwründen bäri dowam edip gelýän dessur bolup, Baýram aýynyň 10-12-si aralygynda geçirilýär. Bu baýramyň esasy ybadatlary baýram namazyny okamak hem-de gurbanlyk çalmakdyr.
Gurbanlykda çalynýan mal düýe ýa-da sygyr bolsa bir adamdan başlap ýedi adama çenli şärik bolmagy, goýun ýa-da geçi bolsa bir adamyň gurbanlygy üçin dürs hasaplanýar. Şeýle-de, çalynjak düýäniň bäş ýaşy, sygyryň iki ýaşy, goýun we geçiniň bolsa bir ýaşy dolan bolmagy şert edilýär. Gurbanlyga niýetlenen malyň sagdyn, hemme agzalary ýerinde bolmagy hem-de gaty hor bolmazlygy möhümdir.
Muhammet Pygamberimiz aleýhissalam köplenç öz gurbanlygyny özi çalar eken we gurbanlygyň etini üç bölege bölmekligi ündäpdir. Onuň birinji bölegini maşgala agzalaryň bilen iýmeli, ikinji bölegini dogan-garyndaşlaryňa paýlamaly hem-de üçünji bölegi zerur adamlara berilse sogap bolýar.
Gurban baýramynda esasy ybadatlaryň biri baýram namazydyr. Ol merkezi metjitlerde baş ymam bilen bilelikde okalýar. Şondan soňra bolsa ymam wagyz-nesihat edip gurbanlyk we onuň düzgünleri barada düşündiriş berýär. Bu baýramçylyk adamlary ynsanperwerlige, birek-biregi sylamaklyga, hoşniýetli gatnaşykda bolmaga, mätäje kömek etmäge ýakynlaşdyrýar.
Gurban aýy iň mertebeli, amallary has sogaply aýlaryň biridir. Onuň ilkinji on güni has-da haýyrly hasaplanýar. Bu hakda «Allatagala ybadat etmek üçin günleriň içinde iň sogaplysy Gurban aýynyň (Zülhijjäniň) ilkinji on günüdir. Her gününiň orazasy bir ýylky Oraza, her gijeki ybadaty Gadyr gijesiniň ybadatyna barabardyr» diýlip, Pygamber alaýhyssalamyň hadyslarynda beýan edilýär.
Muhammet GARYPOW,
Türkmen döwlet binagärlik-gurluşyk institutynyň talyby.
Türkmenistan energohowpsuzlygyň esasy kepillendirijisi derejesini berkidýär
21-23-nji oktýabrda Aşgabat “Türkmenistanyň nebiti we gazy – OGT 2026” atly 31-nji Halkara maslahatyny we sergini kabul etmek bilen, dünýäniň energetika dialogynyň merkezine öwrüler. Otuz ýyldan gowrak wagtyň dowamynda bu forum daşary ýurtly hyzmatdaşlar bilen hyzmatdaşlygy ösdürmek üçin baş meýdançanyň derejesini üýtgewsiz tassyklap gelýär.
Halk Maslahatynda Türkmenistanyň ýangyç-energetika toplumyny ösdürmegiň ugurlary kesgitlenildi
23-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň mejlisi giň gerimli özgertmeleriň netijelerini jemledi hem-de ýurdumyzy durmuş-ykdysady we senagat taýdan ösdürmegiň möhüm wezipelerini kesgitledi.
Gahryman Arkadagymyz TOPH gaz geçirijisiniň owgan böleginiň gurluşygyny çaltlandyrmagyň esasyny kesgitledi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 10-njy awgustda Owganystana amala aşyran taryhy iş sapary ikitaraplaýyn gatnaşyklary ösdürmekde möhüm waka boldy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
