Şerepli gaz ýatagyndan tebigy gazyň akymy alyndy
Hormatly Prezidentimiz Berkarar döwletiň täze eýýamynyň Galkynyşy döwründe ýurdumyzyň sebitlerinde täze gaz ýataklaryny açyp, olary senagat taýdan özleşdirip, tebigy gazyň çykarylyşyny düýpli artdyrmak barada möhüm tabşyryklary berýär. Döwlet Baştutanymyzyň beren gaýragoýulmasyz tabşyryklaryny we görkezmelerini ýerine ýetirmek boýunça «Türkmengaz» döwlet konserni tarapyndan düzülen maksatnamalaýyn meýilnama laýyklykda, «Türkmengazburawlaýyş» müdirliginiň gazçylary Mary welaýatynyň çägindäki täze gazly ýataklaryň birbada üçüsinde guýulary burawlamak işlerini giňden ýaýbaňlandyrdylar.
Burawlamak işlerine ilkinji günlerden giň gerim beren geologlar Şerepli gaz ýatagynyň 01-nji belgili ulanyş-baha beriş guýusyndan tebigy gazyň senagat ähmiýetli akymyny aldylar. Bu ulanyş-baha beriş guýusynyň taslama çuňlugy iki müň alty ýüz metre deňdir. «Türkmengazburawlaýyş» müdirliginiň gazçylary özlerine döwletimiz tarapyndan berilýän bimöçber kömek-goldawlar hem-de guýulary burawlamakda toplanylan baý iş tejribe arkaly iki müň üç ýüz otuz metr çuňlukdan tebigy gazyň batly akymyny almagyň hötdesinden geldiler. Munuň özi geologlaryň alty aýyň dowamynda egin-egne berip çeken päk zähmetiniň miwesidir.
Hünärmenleriň hasaplamalaryna görä, gaz guýusy her gije-gündizde alty ýüz togsan bäş müň kubmetr tebigy gaz berýär. Elbetde, guýynyň ilkibaşdan şonça önüm bermegi täze ýatagyň baý gaz goruna eýedigini äşgär alamatlandyrýar.
Alnan tebigy gazyň düzüminiň kükürt-wodorodsyz, arassa bolmagy täze gaz ýatagynyň önüminiň iň esasy häsiýetli aýratynlygydyr. Bu bolsa Şerepli gaz käninden alynjak tebigy gazyň hil babatynda dünýä ülňülerine doly laýyk bolmagyny şertlendirer. Şeýle hem gaz käniniň önüminiň ykdysady taýdan bähbidi ýokary bolar.
— Guýynyň ýokary hilli burawlanyp, tebigy gazyň alynmagynda halypa hünärmenlerimiziň hem-de tejribeli geologlarymyzyň mynasyp paýy bar. Şolardan meýdançanyň başlygynyň orunbasary Atamyrat Öwejow, buraw ussasy Gurbangylyç Amangylyjow, burawlaýjy Annagylyç Hydyrow, bejeriji Işanberdi Hajyýew, synag geçiriji toparyň işgärleri Baba Babaýew, Batyr Orazow, Orazgeldi Çaryýew, Gadam Bagyýew dagynyň çekýän döredijilikli zähmeti umumy işimiziň hemişe öňe gitmegine ýardam berýär.
Şu önümçilik meýdançamyzyň gazçylary ýakyn günlerde Şerepli gaz känindäki 02-nji belgili ulanyş-baha beriş guýusynda burawlaýyş işlerine girişmekligi meýilleşdirýärler.
Müdirligiň gazçylary Mary welaýatynyň çägindäki täze Kelleli, Ýylan gaz känlerinde-de burawlaýyş işlerine barha giň gerim berýärler. Olar döredijilikli işläp, täze gaz ýataklaryny ýüze çykarmakda bimöçber kömek-goldawlaryny berýän hormatly Prezidentimize alkyş hem hoşallyk sözlerini aýdýarlar — diýip, «Türkmengazburawlaýyş» müdirliginiň baş geology Muhammet Saparmyradow gürrüň berýär.
Sapardurdy ÝAÝLYÝEW,
Ussatnews.com.
Gahryman Arkadagymyz TOPH gaz geçirijisiniň owgan böleginiň gurluşygyny çaltlandyrmagyň esasyny kesgitledi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 10-njy awgustda Owganystana amala aşyran taryhy iş sapary ikitaraplaýyn gatnaşyklary ösdürmekde möhüm waka boldy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
