Täze binada, amatly şertlerde
Hormatly Prezidentimiz gurmak, döretmek ýaly röwşen ýoly uly ynam bilen ýöredýär. Şonuň netijesinde ata Watanymyz sözüň doly manysynda uly gurluşyk meýdançasyna öwrüldi. Biri-birinden owadan, işlemek, ýaşamak üçin amatly ymaratlar oba-şäherlerimize görk berýär. Şeýle binalaryň biri Lebap welaýatynyň Çärjew etrabynyň Kölaryk geňeşliginiň adybir obasynda peýda boldy.
— Mälim bolşy ýaly, Çärjew welaýatymyzda iň köp ilatly etraplaryň biri. Biz etrabymyzyň ilatyny tebigy gaz bilen bökdençsiz üpjün etmek, raýatlaryň bu ýangyçdan howpsuz peýdalanmagyny gazanmak ugrunda ýadawsyz alada edýäris. Täze gurlan bina bolsa ilata göwnejaý hyzmat etmekde, gaz geçiriji ulgamyň sazlaşykly işlemegini gazanmakda biziň üçin goşmaça amatlyklary döredýär — diýip, «Çärjewetrapgaz» gaz hojalyk edarasynyň başlygy Şerali Egamberdiýew gürrüň berýär.
Edaranyň başlygy şeýle-de bize etrapda hususy hojalyklaryň 22,2 müňden gowragynyň tebigy gazdan bökdençsiz peýdalanýandygyny habar berdi. Golaýda Farap etrabynyň ýatyrylyp, Çärjew etrabyna goşulmagy bu edaranyň işgärleriniň iş-aladasyny has artdyrdy. Etrabyň gaz hojalyk ulgamynyň sazlaşykly hereket etmegini üpjün etmek maksady bilen, edaranyň mümkinçilikleri barha giňeldilýär. Oňa ýene bir edara ediş binasynyň gurlup ulanylmaga berilmegi hem degerli mysallaryň biridir. Binany «Türkmengündogarnebitgurluşyk» gurluşyk-gurnama trestiniň ezber gurluşykçylary ýokary hil derejesinde gurdular. Onuň tutýan meýdany 521,89 inedördül metre barabar bolup, onda iş otaglarynyň 11-si bardyr. Olarda dürli kesp-kärli işgärleriň kadaly şertlerde zähmet çekmekleri üçin ähli zerur şertler göz öňünde tutulypdyr.
— Biz gullugymyzyň işgärleri bolup, etrabymyzyň geňeşlikleriniň dördüsiniň ilatynyň 6,6 müňden gowragyna hyzmat edýäris. Täze binanyň ulanylmaga berilmegi diňe bir biziň üçin däl, eýsem, ilat üçin hem bähbitli boldy. Sebäbi gazdan peýdalanyjylardan gelip gowuşýan dürli sargytlary bökdençsiz kabul edip, olary gysga wagtyň içinde ýerine ýetirmäge mümkinçilik aldyk — diýip, gaz hojalyk edarasynyň awariýa-dispetçer gullugynyň ussasy Mirşat Ergeşow kanagatlanma bilen belleýär.
Ýerlerde ilata tebigy gazy bökdençsiz bermekde slesar Babajan Joraýew, sargytlary kabul ediji Gülnaz Rüstemowa, sürüji Jora Genjiýew dagy has yhlaslylyk görkezýär. Gullugyň hünärmenleri esasy işleri bilen birlikde, ilatyň arasynda tebigy gazdan tygşytly peýdalanmagyň, howpsuzlyk kadalaryny gyşarnyksyz berjaý etmegiň zerurdygy barada düşündiriş işlerini hem geçirip durýarlar. Bu mesele gyş paslynyň gelmegi bilen has möhüm ähmiýete eýe bolýar. Sebäbi gyş aýlarynda howanyň sowamagy bilen tebigy gazyň sarp edilýän möçberleri has artýar.
— Hormatly Prezidentimiz ýurdumyzyň ilatynyň abadan durmuşda ýaşamagy ugrunda ýadawsyz alada edýär. Şonda ilatymyzy tebigy gaz bilen bökdençsiz üpjün etmek esasy wezipeleriň biri hökmünde öňe sürülýär. Biz bagtyýar ildeşlerimiziň bereketli ojaklarynda «mawy ýangyjyň» mydama alawlap durmagy ugrunda geljekde-de tagallalarymyzy gaýgyrmarys — diýip, M.Ergeşow guwanç bilen nygtaýar.
Mämmetgylyç KÜTIÝEW,
Ussatnews.com.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
