Baş baýlygyň goragynda
«Türkmengaz» döwlet konserniniň «Marygazçykaryş» müdirliginiň durmuş taýdan dolandyryş edarasyna degişli «Şatlyk» keselleriň öňüni alyş şypahanasy indi ençeme ýyllardan bäri il-halkymyza ýokary medeniýetli hyzmat edip, bagtyýar raýatlarymyzyň saglygynyň pugtalandyrylmagyna öz goşandyny goşýar.
Bir tapgyrda 104 adamy kabul edýän bu şypahanada her ýylda özüniň manyly ömründe netijeli zähmet çekip, hormatly dynç alşa çykan ýaşuly nesliň wekilleriniň, zähmet rugsadyndaky dürli kärdäki raýatlaryň müňlerçesi dynç alýar hem saglygyny pugtalandyrýar.
— Keselleriň öňüni alyş edaramyzyň Garagum derýasynyň gyrasynda ýerleşmegi, şeýle hem bu ýerdäki dürli baglar amatly howa gurşawynyň emele gelmegini üpjün edýär. Şoňa görä, ir säher bilen, agşamlaryna baglaryň aşagyndaky dynç alyş meýdançalarynda gezelenç etmek bu ýerde saglygyny pugtalandyrýan adamlarda şähdaçyklyk döredip, olaryň bedeniniň täzeden kuwwatlanmagyna, rahatlyk tapmagyna oňaýly şert döredýär — diýip, şypahananyň direktory, tejribeli lukman Bäşimdurdy Jumadurdyýew gürrüň berýär.
Şypahana ýylyň bütin dowamynda adamlaryň iň bir gelim-gidimli ýeri bolup, häzirki günlerde bu ýere ýurdumyzyň dürli künjeklerinden dynç alyp, saglygyny pugtalandyrmak üçin gelýän raýatlaryň sany has-da artýar.
Olar gelen gününden bu sagaldyş, dynç alyş edarasynyň eli ýeňil lukmanlary, şepagat uýalary, beýleki hyzmat ediş bölümleriniň işgärleri tarapyndan güler ýüz, üns-alada bilen gurşalyp alnyp, bada-bat ähli amatlyklary bolan ýaşaýyş otaglaryna ýerleşdirilýär.
Bu ýerde şypahana şertlerindäki iň täze, häzirki zaman bejeriş usullary giňden ulanylýar. Şolardan fizioterapiýa, iňňe refleksi, owkalama, ozokerit, parafin, Mollagara şypahanasynyň palçygy bilen bejergiler adamlaryň saglygyny pugtalandyrmakda aýratyn netijeliligi bilen tapawutlanýar.
Şypahananyň çäginde ýeriň astyndan bir müň üç ýüz elli metr çuňlukdan çykýan kükürt-wodorodly suwuň düzüminde adam saglygy üçin peýdaly mikroelementleriň ençemesi jemlenendir. Tebigy häsiýetliligi bu melhem suwunyň esasy aýratynlygydyr. Adamlar şu ýerdäki suw bilen bejeriş binasynda kükürtli wanna, sauna, suw basseýni ýaly bejergileri kabul edip, öz saglyklaryny pugtalandyrýarlar.
Şypahananyň bedenterbiýe otagynyň dürli maşklary ýerine ýetirmek üçin niýetlenilen enjamlar bilen enjamlaşdyrylandygyny aýtmak gerek. Şu ýerde dynç alýan raýatlar şepagat uýalarynyň maslahat bermeklerinde bedenterbiýe maşklaryny ýerine ýetirýärler. Bu bolsa olarda sagdynlygy, şähdaçyklygy, keýpiçaglygy emele getirýär.
Bir söz bilen aýdylanda, ýurdumyzyň dürli künjeklerinden «Şatlyk» keseliň öňüni alyş şypahanasyna gelýän adamlar göwnejaý dynç alýarlar hem-de daýanç-hereket ediş, iýmit siňdiriş, nerw ulgamlarynda, şeýle hem oňurgada, bogunlarda, damarlarda emele gelýän sökelliklerden saplanyp, saglyklaryny pugtalandyrýarlar. Olaryň her biri uly şepagat uýasy Ogulnur Rejebowanyň, şepagat uýalary Gülbahar Durdyýewanyň, Sadap Garýagdyýewanyň, şepagat doganlary Ýagşymyrat Orazgulyýewiň, Öwezgeldi Meredowyň, baş aşpez Maýsa Gurbanowanyň, ussalar Ojarmyrat Aždarowyň, Batyr Gurbanowyň, tämizleýjiler Oguljahan Orazgylyjowanyň, Oguljemal Nurlyýewanyň edýän hyzmatlaryndan hoşal bolýarlar.
Sapardurdy ÝAÝLYÝEW,
Ussatnews.com.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
